Sheikh Hasina | కుట్రపన్ని ప్రభుత్వాన్ని కూల్చారు.. విద్యార్థుల నిరసన ఓ ముసుగు : షేక్‌ హసీనా

తన ప్రభుత్వాన్ని కూలదోసిన 2024 నాటి తిరుగుబాటు విద్యార్థుల నిరసన ముసుగులో జరిగిన ఒక ప్రణాళికాబద్ధమైన పాలన మార్పు అని బంగ్లాదేశ్‌ మాజీ ప్రధాని షేక్‌ హసీనా ఆరోపించారు. అధికారం నుంచి బలవంతంగా తొలగింపునకు గురై, భారత్‌కు పారిపోయిన రెండు సంవత్సరాల తర్వాత బుధవారం హసీనా తొలిసారిగా బహిరంగ వేదికపైకి తిరిగి వచ్చారు.

న్యూఢిల్లీ, ఆగస్టు 5 : తన ప్రభుత్వాన్ని కూలదోసిన 2024 నాటి తిరుగుబాటు విద్యార్థుల నిరసన ముసుగులో జరిగిన ఒక ప్రణాళికాబద్ధమైన పాలన మార్పు అని బంగ్లాదేశ్‌ మాజీ ప్రధాని షేక్‌ హసీనా ఆరోపించారు. అధికారం నుంచి బలవంతంగా తొలగింపునకు గురై, భారత్‌కు పారిపోయిన రెండు సంవత్సరాల తర్వాత బుధవారం హసీనా తొలిసారిగా బహిరంగ వేదికపైకి తిరిగి వచ్చారు. న్యూఢిల్లీ నుంచి వర్చువల్‌ ప్రసంగంలో ఆమె ఈ వ్యాఖ్యలు చేశారు.

2024 జూలై-ఆగస్టు నాటి ఉద్యమం నిజమైన విద్యార్థి నేతృత్వంలోని నిరసన కాదని హసీనా అన్నారు. ఒక కొత్త పాలనను ఏర్పాటు చేయడమే లక్ష్యంగా సాగిన ప్రణాళికాబద్ధ చర్య అని ఆమె పేర్కొన్నారు. ఓటరు తీర్పు లేకుండా అధికారాన్ని చేజిక్కించుకోవడానికే కోటా ఉద్యమాన్ని ఏకైక లక్ష్యంగా మార్చారని ఆమె ఆరోపించారు. తనపైన చట్టపరమైన కేసులు పెండింగ్‌లో ఉన్నప్పటికీ తాను బంగ్లాదేశ్‌కు తిరిగి వెళతానని ఆమె స్పష్టం చేశారు.