వాషింగ్టన్: అమెరికాలోని క్యాపిటల్ హిల్పై దాడి(Capitol Hill Attack) జరిగిన ఘటనలో.. ప్రౌఢ్ బాయ్స్ మాజీ నేత ఎన్రిక్ టారియోకు 22 ఏళ్ల జైలుశిక్ష పడింది. జో బైడెన్ విక్టరీని అడ్డుకునే ప్రక్రియలో భాగంగా 2021 జనవరి ఆరో తేదీన క్యాపిటల్ హిల్పై దాడి జరిగిన విషయం తెలిసిందే. మాజీ అధ్యక్షుడు డోనాల్డ్ ట్రంప్ ఆ దాడి చేయించినట్లు ఆరోపణలు ఉన్నాయి. అయితే ఆ రోజున అతివాద ఫ్రౌడ్ బాయ్స్ గ్రూపు దాడికి దిగింది. నిజానికి దాడి జరిగిన రోజున టారియో.. వాషింగ్టన్లో లేడు. కానీ ఆ గ్రూపును రెచ్చగొట్టి క్యాపిటల్ హిల్పై దాడికి పాల్పడేలా చేసినట్లు అతనిపై ఆరోపణలు ఉన్నాయి. క్యాపిటల్ హిల్ అటాక్ కేసులో ఇప్పటి వరకు వేల మందిని అదుపులోకి తీసుకున్నారు. కానీ తొలిసారి ఆ కేసులో భారీ శిక్షను ఖరారు చేశారు.