Visit:
మోడలింగ్‌ ఏజెన్సీ స్కూప్‌ మేనేజ్‌మెంట్‌ కూడా సియెన్నా మరణాన్ని ధృవీకరించింది. ఆమె ఫొటోలను షేర్‌ చేస్తూ ఎప్పటికీ మన హృదయాల్లో.. అంటూ క్యాప్షన్‌ ఇచ్చింది.
ప్రముఖ ఆస్ట్రేలియన్‌ మోడల్‌, మిస్‌ యూనివర్స్‌ ఫైనలిస్ట్‌ సియెన్నా వీర్‌ చిన్న వయసులోనే దుర్మరణం చెందింది.
గుర్రపు స్వారీ చేస్తుండగా జరిగిన ప్రమాదంలో తీవ్ర గాయాలు కావడంతో సియెన్నా వీర్‌ ప్రాణాలు కోల్పోయింది. ఈ విషయాన్ని ఆమె కుటుంబసభ్యులు వెల్లడించారు.
తన స్వస్థలమైన ఆస్ట్రేలియాలోని విండ్సర్‌ పోలో గ్రౌండ్స్‌లో ఏప్రిల్‌ 2న గుర్రపు స్వారీ చేస్తూ సియెన్నా కిందపడిపోయింది.
ఆ ప్రమాదంలో తీవ్రంగా గాయపడ్డ సియెన్నాను నెలరోజులుగా లైఫ్‌ సపోర్ట్‌పై ఉంచి చికిత్స అందించారు. అయినప్పటికీ ఆమె ఆరోగ్య పరిస్థితిలో ఎలాంటి మార్పు కనిపించకపోవడంతో లైఫ్‌ సపోర్ట్‌ తీసేయాలని కుటుంబసభ్యులు నిర్ణయించారు. దీంతో ఆమె కన్నుమూసింది.
2022లో జరిగిన ఆస్ట్రేలియన్‌ మిస్‌ యూనివర్స్‌ పోటీల్లో ఎంపికైన 27 మంది ఫైనలిస్టుల్లో సియెన్నా ఒకరు.
సిడ్నీ విశ్వవిద్యాలయం నుంచి సియెన్నా ఇంగ్లిష్‌ లిటరేచర్‌తో పాటు సైకాలజీలో డిగ్రీ చేసింది.