ఆ ప్రమాదంలో 30 ఎముకలు విరిగాయి.. ఇన్‌స్టాలో వెల్లడించిన హాలీవుడ్‌ స్టార్‌

Jeremy Renner | హాలీవుడ్‌ స్టార్‌ జెరేమీ రెన్నర్‌ తాజాగా తన ఇన్‌స్టా హ్యాండిల్‌లో ఒక ఫొటోను షేర్‌ చేశాడు. ఫిజియోథెరపీ సెషన్‌కు సంబంధించి ఆ ఫొటోను షేర్‌ చేస్తూనే.. ప్రమాదంలో తన దేహంలోని 30 ఎముకలు విరిగిపోయాయని వెల్లడించాడు.

వాషింగ్టన్: ఇటీవల మంచులో ఇరుక్కున్న కారును వెలికితీయబోయి తీవ్రంగా గాయపడిన హాలీవుడ్‌ స్టార్‌ జెరేమీ రెన్నర్‌ తాజాగా తన ఇన్‌స్టా హ్యాండిల్‌లో ఒక ఫొటోను షేర్‌ చేశాడు. ఫిజియోథెరపీ సెషన్‌కు సంబంధించి ఆ ఫొటోను షేర్‌ చేస్తూనే.. ప్రమాదంలో తన దేహంలోని 30 ఎముకలు విరిగిపోయాయని వెల్లడించాడు.

తాను ఆస్పత్రి నుంచి డిశ్చార్జి అయ్యానని, ఇప్పుడు ఇంట్లోనే ఫిజియోథెరపీ చేయించుకుంటున్నానని తెలిపాడు. ఒక విషాదకర సందర్భం నుంచి తాను, తన ఫ్యామిలీ తొందరగానే బయటపడ్డామని ఆయన సంతోషం వ్యక్తం చేశారు. ఒంట్లో 30 ఎముకలు విరిగినా అభిమానులు, కుటుంబసభ్యులు, మిత్రుల ఆశీర్వాదంతోనే త్వరగా కోలుకున్నానని పేర్కొన్నారు.

జెరేమీ రెన్నర్‌ ఈ ఏడాది జనవరి 1న తన ఇంటిముందు మంచులో ఇరుక్కుపోయిన బంధువు కారును వెలికితీసే ప్రయత్నంతో తీవ్రంగా గాయపడ్డాడు. కారుపై మంచును తొలగించి బయటికితీయబోయి ఆయన జారిపడ్డాడు. ఈ ఘటనలో రెన్నర్‌ ఛాతికి, కాళ్లకు బలమైన గాయాలయ్యాయి. అప్పటి నుంచి ఆస్పత్రిలో చికిత్స పొందిన ఆయన పరిస్థితి మెరుగుపడటంతో ఇప్పుడు ఆస్పత్రి నుంచి డిశ్చార్జి అయ్యాడు.

 

View this post on Instagram

 

A post shared by Jeremy Renner (@jeremyrenner)