వ‌దిలేసిన కారు పార్ట్స్‌తో హెలికాప్ట‌ర్ త‌యారుచేశాడు.. అది గాల్లోకి ఎగ‌ర‌డం చూసి నెటిజ‌న్లు షాక్.. వైర‌ల్ వీడియో

వ‌దిలేసిన కారు పార్ట్స్‌తో హెలికాప్ట‌ర్ త‌యారుచేశాడు | ఉప‌యోగంలో లేని కార్లు, బైక్స్, ట్ర‌క్స్ వ‌ల్ల ఏం ఉప‌యోగం ఉంటుంది చెప్పండి. కొన్ని ఏళ్ల పాటు వాహ‌నాల‌ను వాడ‌కుండా ఉంటేనే అవి ప‌నికిరాకుండా పోతాయి

December 13, 2021 / 07:07 PM IST

వ‌దిలేసిన కారు పార్ట్స్‌తో హెలికాప్ట‌ర్ త‌యారుచేశాడు.. అది గాల్లోకి ఎగ‌ర‌డం చూసి నెటిజ‌న్లు షాక్.. వైర‌ల్ వీడియో

ఉప‌యోగంలో లేని కార్లు, బైక్స్, ట్ర‌క్స్ వ‌ల్ల ఏం ఉప‌యోగం ఉంటుంది చెప్పండి. కొన్ని ఏళ్ల పాటు వాహ‌నాల‌ను వాడ‌కుండా ఉంటేనే అవి ప‌నికిరాకుండా పోతాయి. కొన్ని వాహ‌నాల లైఫ్ టైమ్ అయిపోతుంది. అటువంటి వాహ‌నాల నుంచి పార్ట్స్ సేక‌రించి ఓ వ్య‌క్తి ఏకంగా హెలికాప్ట‌ర్‌నే త‌యారు చేశాడు.

బ్రెజిల్‌కు చెందిన జెనెసిస్ గోమెస్ అనే వ్య‌క్తికి ఏవియేష‌న్ మీద మంచి ప‌ట్టు ఉంది. చిన్న‌ప్ప‌టి నుంచి విమానాలు అన్నా.. హెలికాప్ట‌ర్లు అన్నా చాలా ఆస‌క్తి చూపించేవాడు. ఆ ఆస‌క్తితోనే చిన్న‌ప్ప‌టి నుంచి వాటి గురించి స్ట‌డీ చేయ‌డం మొద‌లుపెట్టాడు. తాజాగా ప‌నికిరాని వాహ‌నాల పార్ట్స్‌ను ఉప‌యోగించి హెలికాప్ట‌ర్‌ను త‌యారు చేశాడు. దానికి వోల్క్స్‌వాగెన్ బీటిల్ ఇంజిన్‌ను అమ‌ర్చాడు. దాన్ని త‌యారు చేయ‌డం పూర్త‌య్యాక‌.. టెస్ట్ ట్ర‌య‌ల్ చేశాడు.

రోడ్డునే ర‌న్‌వేగా మార్చుకొని.. దాని మీద ట్ర‌య‌ల్ ప్రారంభించాడు. అది కొంత దూరం వెళ్లాక గాల్లోకి ఎగిరింది. గాల్లో కాసేపు చక్క‌ర్లు కొట్టిన త‌ర్వాత గోమెస్ హెలికాప్ట‌ర్‌ను కిందికి దించాడు. ఈ ఘ‌ట‌న‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. హెలికాప్ట‌ర్‌ను సొంతంగా త‌యారు చేసి గాల్లో ఎగిరేలా చేసిన అత‌డిని చూసి నెటిజ‌న్లు ఫిదా అవుతున్నారు. వావ్ అంటూ కామెంట్లు చేస్తున్నారు.