Visit:
Gold Washed Away | చైనా (China)ను గత కొన్ని రోజులుగా భారీ వర్షాలు కుదిపేస్తున్నాయి. ఎడతెరిపి లేకుండా కురుస్తున్న వర్షాలకు ఎక్కడికక్కడ వరదలు సంభవించాయి. ఈ వరదలకు (Flash Flood) ఓ నగల దుకాణంలోని రూ.కోట్లు విలువ చేసే బంగారు ఆభరణాలు కొట్టుకుపోయాయి (Gold Washed Away). ఈ విషయం తెలుసుకున్న స్థానికులు కొట్టుకుపోయిన బంగారం కోసం వెతికేందుకు ఎగబడ్డారు.
షాంగ్జీ ప్రావిన్స్‌ (Shaanxi Province)లో ఈనెల 25న భారీ వర్షాలు కురిశాయి. వర్షానికి రోడ్లపైకి భారీగా వరద నీరు వచ్చి చేరింది. అయితే, ఆ ప్రాంతంలో ఓ బంగారు ఆభరణాల దుకాణాన్ని ఉదయం తెరిచి ఉంచగా.. ఆ షాప్‌లోకి వరద ఒక్కసారిగా పోటెత్తింది. దుకాణంలోని బంగారు ఆభరణాలన్నీ కొట్టుకుపోయాయి. కళ్లముందే బంగారం కొట్టుకుపోవడంతో దుకాణం యజమాని గుండెలు బాదుకుంటున్నాడు.
కొట్టుకుపోయిన వాటిలో హారాలు, ఉంగరాలు, గాజులు, చెవి కమ్మలు, వజ్రాల ఉంగరాలు, కొన్ని వెండి వస్తువులు ఉన్నట్లు దుకాణం యజమాని తెలిపారు. వీటితోపాటు సేల్స్‌ బాక్స్‌ కూడా పోయిందన్నారు. అందులో రీసైకిల్‌ చేసిన బంగారంతో పాటు భారీగా నగదు కూడా ఉన్నట్లు పేర్కొన్నారు. ఈ వరదలకు దాదాపు 20 కేజీల బంగారం కొట్టుకుపోయిందని ఆవేదన వ్యక్తం చేశారు. వాటి విలువ రూ.12 కోట్లకు పైమాటే అని వెల్లడించారు. ఈ విషయం తెలుసుకున్న స్థానికులు కొట్టుకుపోయిన బంగారం వెతికేందుకు ఎగబడ్డారు. వీధుల్లో బురద నీటిలో అనువణువూ వెతకడం ప్రారంభించారు. ఇందుకు సంబంధించిన వీడియోలు ప్రస్తుతం వైరల్‌ అవుతున్నాయి.
A gold shop in Wuqi County, Shaanxi says around 20kg of jewelry was lost in recent floods. About 1kg has been recovered so far. Police are investigating, and local authorities are urging anyone who found gold to return it. #Shaanxi #floods pic.twitter.com/kZQsaLqJnz
— Spill the China (@SpilltheChina) July 27, 2025
Also Read..
Donald Trump | భారత్‌పై టారీఫ్‌లు.. ఫెనాల్టీలు.. పాకిస్థాన్‌తో ట్రంప్‌ వాణిజ్య ఒప్పందాలు..
సునామీ భయం భయం.. రష్యాను వణికించిన భారీ భూకంపం
