ముస్లిం దేశాల పైలట్లు, సిబ్బందిపై ఇజ్రాయెల్‌ నిషేధం

గత నెల 30న ఫ్లైదుబాయ్‌ విమానం హైజాకింగ్‌కు ప్రయత్నం జరిగిందన్న ఆరోపణల నేపథ్యంలో తమ దేశ గగనతలంలోకి ప్రవేశించే విమానాల్లో ముస్లిం మెజారిటీ దేశాలకు చెందిన పైలట్లు, విమాన సిబ్బంది వినియోగంపై ఇజ్రాయెల్‌ నిషేధం విధించింది.

టెల్‌ అవీవ్‌ : గత నెల 30న ఫ్లైదుబాయ్‌ విమానం హైజాకింగ్‌కు ప్రయత్నం జరిగిందన్న ఆరోపణల నేపథ్యంలో తమ దేశ గగనతలంలోకి ప్రవేశించే విమానాల్లో ముస్లిం మెజారిటీ దేశాలకు చెందిన పైలట్లు, విమాన సిబ్బంది వినియోగంపై ఇజ్రాయెల్‌ నిషేధం విధించింది.

ఎన్‌12 వార్తా సంస్థ కథనం ప్రకారం ఈ నెల 1 నుంచి ఈ ఆంక్షలను అమలు చేయాలని విదేశీ విమానయాన సంస్థలను ఇజ్రాయెల్‌ ప్రభుత్వం కోరింది. కొత్త మార్గదర్శకాల ప్రకారం ఇజ్రాయెల్‌ గగనతలం గుండా వెళ్లే విమానాల్లో పనిచేసే పైలట్లు, క్యాబిన్‌ సిబ్బంది ఇజ్రాయెల్‌తో అధికారిక దౌత్య సంబంధాలు లేని దేశాలకు చెందినవారై ఉండకూడదు.