Iran leader | ఇరాన్ సుప్రీం లీడర్ (Iran Supreme Leader) అయాతుల్లా అలీ ఖమేనీ (Ayatollah Ali Khamenei)కి టెక్ దిగ్గజం మెటా (Meta) షాకిచ్చింది. ఆయన ఫేస్బుక్ (Facebook), ఇన్స్టాగ్రామ్ (Instagram) ఖాతాలను తొలగించింది. కంటెంట్ విధానాలను పదేపదే ఉల్లంఘించినందుకు గానూ మెటా ఈ నిర్ణయం తీసుకున్నట్లు నివేదికలు తెలిపాయి. ఖమేనీ అకౌంట్లతోపాటు ఇరాన్ నెట్వర్క్తో అనుసంధానంగా ఉన్న సుమారు 200 ఫేస్బుక్, 125 ఇన్స్టా ఖాతాలను కూడా మెటా తొలగించినట్లు నివేదికలు పేర్కొంటున్నాయి.
ఇజ్రాయెల్పై హమాస్ మిలిటెంట్లు జరిపిన ఉగ్రదాడికి ఖమేనీ మద్దతు ఇచ్చారు. అంతేకాకుండా.. గాజాలో ఇజ్రాయెల్కు వ్యతిరేకంగా మిలిటెంట్ల చర్యలను సమర్ధించారు. ఇక ఎర్రసముద్రంలో వాణిజ్య నౌకలపై హౌతీల దాడులను కూడా సమర్థిస్తూ తీవ్ర వ్యాఖ్యలు చేశారు. ఈ క్రమంలోనే ఆయన ఖాతాలపై మెటా సంస్థ నిషేధం విధించిందని నివేదికలు వెల్లడించాయి.
Also Read..
AB De Villiers | అదంతా అబద్ధం.. ‘విరుష్క’ విషయంలో పెద్ద తప్పు చేసిన
Vishwak Sen | గామి షూట్ టైంలో ఫలక్నుమా దాస్ టీజర్ ఎడిట్ చేస్తున్నా: విశ్వక్సేన్