ఇమ్రాన్‌ ఖాన్‌కు ఊరట.. అరెస్ట్‌ కాకుండా బెయిల్‌ ఇచ్చిన లాహోర్‌ హైకోర్టు

సోమవారం బెయిల్‌ పిటిషన్‌పై విచారణ సందర్భంగా ఇమ్రాన్ ఖాన్‌ భారీ బలప్రదర్శన నిర్వహించారు. తన పార్టీ అయిన పాకిప్థాన్‌ తెహ్రీక్-ఇ-ఇన్సాఫ్ (పీటీఐ) కార్యకర్తలు, మద్దతుదారులతో కలిసి కోర్టుకు వెళ్లారు. ఈ సందర్భంగా వేలాది మంది పార్టీ మద్దతుదారులు ఆయనతోపాటు కలిసి వచ్చారు.

ఇస్లామాబాద్‌: పాకిస్థాన్‌ మాజీ ప్రధాని ఇమ్రాన్ ఖాన్‌కు ఊరట లభించింది. ఆయనను అరెస్ట్‌ చేయకుండా లాహోర్ హైకోర్టు ముందస్తు బెయిల్ మంజూరు చేసింది. 70 ఏళ్ల ఇమ్రాన్‌ ఖాన్‌, పార్టీ నిధుల వివరాలను దాచినందుకు గత ఏడాది జాతీయ అసెంబ్లీకి అనర్హుడయ్యారు. ఈ నేపథ్యంలో దేశ వ్యాప్తంగా భారీ నిరసనలకు ఆయన పార్టీ పిలుపునిచ్చింది. ఈ సందర్భంగా పాకిస్థాన్‌ ఎన్నికల సంఘం కార్యాలయం వెలుపల జరిగిన నిరసనలు హింసాత్మకంగా మారాయి. దీనికి సంబంధించి ఇమ్రాన్‌ ఖాన్‌పై కేసు నమోదైంది. ఈ కేసులో మధ్యంతర బెయిల్‌ను పొడిగించాలని ఇమ్రాన్ ఖాన్ చేసిన అభ్యర్థనను ఇస్లామాబాద్‌లోని ఉగ్రవాద నిరోధక కోర్టు గత వారం తిరస్కరించింది. దీంతో ఆయన లాహోర్ హైకోర్టును ఆశ్రయించారు.

కాగా, సోమవారం బెయిల్‌ పిటిషన్‌పై విచారణ సందర్భంగా ఇమ్రాన్ ఖాన్‌ భారీ బలప్రదర్శన నిర్వహించారు. తన పార్టీ అయిన పాకిప్థాన్‌ తెహ్రీక్-ఇ-ఇన్సాఫ్ (పీటీఐ) కార్యకర్తలు, మద్దతుదారులతో కలిసి కోర్టుకు వెళ్లారు. ఈ సందర్భంగా వేలాది మంది పార్టీ మద్దతుదారులు ఆయనతోపాటు కలిసి వచ్చారు. ఇమ్రాన్‌ ఖాన్‌ కాన్వాయ్‌ వెంట పార్టీ కార్యకర్తలు నడిచారు. ఆయన కాన్వాయ్‌పై పూల వర్షం కురిపించారు. ఈ నేపథ్యంలో ఎలాంటి అవాంఛనీయ సంఘటనలు జరుగకుండా కోర్టు వద్ద భారీగా పోలీసులు మోహరించారు. ఇమ్రాన్‌ ఖాన్‌ మద్దతుదారులు కోర్టు వద్దకు భారీగా తరలివచ్చిన వీడియో క్లిప్‌లు సోషల్‌ మీడియాలో వైరల్‌ అయ్యాయి.

چئیرمین تحریک انصاف کا زمان پارک سے لاہور ہائی کورٹ تک کے سفر کی ویڈیو فوٹیجز pic.twitter.com/E69DLeo2ZU

— PTI (@PTIofficial) February 20, 2023

https://twitter.com/SherySherlock/status/1627656487966486528?ref_src=twsrc%5Etfw%7Ctwcamp%5Etweetembed%7Ctwterm%5E1627656487966486528%7Ctwgr%5Ed8ab9ee4e743821e9de945ceb24d4ace042dd4d1%7Ctwcon%5Es1_c10&ref_url=https%3A%2F%2Fwww.indiatoday.in%2Fworld%2Fstory%2Fpakistan-imran-khan-reaches-lahore-high-court-bail-plea-hearing-underway-2337261-2023-02-20