అమెరికాలో కాల్పులు ఐదుగురు మృతి

అమెరికాలో విచ్చలవిడి తుపాకుల సంస్కృతి మరో సామూహిక కాల్పుల ఘటనకు దారితీసింది. ఆయుధాలు ధరించి ఒక దుండగుడు సోమవారం రాత్రి ఫిలడెల్ఫియా నగర వీధులలో విచక్షణా రహితంగా కాల్పులు జరపడంతో ఐదుగురు మృతి చెందగా, ఇద్దరు బాలలు గాయపడ్డారు.

ఫిలడెల్ఫియా , జూలై 4: అమెరికాలో విచ్చలవిడి తుపాకుల సంస్కృతి మరో సామూహిక కాల్పుల ఘటనకు దారితీసింది. ఆయుధాలు ధరించి ఒక దుండగుడు సోమవారం రాత్రి ఫిలడెల్ఫియా నగర వీధులలో విచక్షణా రహితంగా కాల్పులు జరపడంతో ఐదుగురు మృతి చెందగా, ఇద్దరు బాలలు గాయపడ్డారు. సమాచారం అందుకున్న పోలీసులు కాల్పులు జరుపుతూ పారిపోతున్న నిందితుడిని పట్టుకోవడానికి వెంటపడ్డారు.

చివరకు అతను తనకు తానే లొంగిపోవడంతో ఊపిరి పీల్చుకున్నారు. 40 ఏండ్ల నిందితుడు ఎందుకు కాల్పులకు పాల్పడిందీ తెలియరాలేదు. అతడి నుంచి బుల్లెట్‌ ప్రూఫ్‌ జాకెట్‌, ఏఆర్‌ రకం రైఫిల్‌ను స్వాధీనం చేసుకున్నారు. కాగా, అమెరికా స్వాతంత్య్ర దినం రోజు ఈ ఘటన జరిగింది.