cop caught in woman’s home | అర్ధరాత్రి వేళ మహిళ ఇంట్లో పోలీస్‌ అధికారి.. చుట్టుముట్టిన గ్రామస్తులపై కాల్పులు, ఒకరు మృతి

cop caught in woman's home | అర్ధరాత్రి వేళ ఒక పోలీస్‌ అధికారి మహిళ ఇంట్లోకి ప్రవేశించాడు. గమనించిన గ్రామస్తులు ఆ ఇంటిని చుట్టుముట్టారు. దీంతో అక్కడి నుంచి పారిపోయేందుకు ఆ పోలీస్‌ అధికారి వారిపై కాల్పులు జరిపాడు. ఒక వ్యక్తి మరణించగా మరో ముగ్గురు తీవ్రంగా గాయపడ్డారు.

పాట్నా: అర్ధరాత్రి వేళ ఒక పోలీస్‌ అధికారి మహిళ ఇంట్లోకి ప్రవేశించాడు. గమనించిన గ్రామస్తులు ఆ ఇంటిని చుట్టుముట్టారు. దీంతో అక్కడి నుంచి పారిపోయేందుకు ఆ పోలీస్‌ అధికారి వారిపై కాల్పులు జరిపాడు. ఒక వ్యక్తి మరణించగా మరో ముగ్గురు తీవ్రంగా గాయపడ్డారు. (cop caught in woman’s home) బీహార్‌లోని మధుబని జిల్లాలో ఈ సంఘటన జరిగింది. బలిరాజ్‌గఢ్ మైనింగ్ ప్రాంతానికి రక్షణగా ఏర్పాటు చేసిన పోలీస్ పికెట్‌లో ఏఎస్‌ఐ చంద్ర మోహన్ సింగ్ విధులు నిర్వహిస్తున్నాడు. మంగళవారం తెల్లవారుజామున 1 గంట సమయంలో స్థానికంగా ఉన్న ఒక మహిళ ఇంట్లోకి అతడు ప్రవేశించాడు.

కాగా, గమనించిన గ్రామస్తులు ఆ ఇంటిని చుట్టుముట్టారు. మహిళ ఇంట్లో ఉన్న ఆ పోలీస్‌ అధికారిని పట్టుకునేందుకు వారు ప్రయత్నించారు. అయితే తప్పించుకునే క్రమంలో ఏఎస్‌ఐ చంద్ర మోహన్ సింగ్ తన సర్వీస్ రివాల్వర్‌తో నాలుగు రౌండ్లు కాల్పులు జరిపి అక్కడి నుంచి పారిపోయాడు. ఈ కాల్పుల్లో నలుగురు వ్యక్తులు గాయపడ్డారు.

మరోవైపు ఈ కాల్పుల గురించి తెలుసుకున్న పోలీసులు అక్కడకు చేరుకున్నారు. గాయపడిన వారిని ప్రభుత్వ ఆసుపత్రికి తరలించారు. వీరిలో 50 ఏళ్ల అశోక్ యాదవ్ చికిత్స పొందుతూ మరణించాడు. మిగిలిన వారి పరిస్థితి విషమంగా ఉన్నట్లు సమాచారం. నిందితుడైన ఆ ఏఎస్ఐని సస్పెండ్ చేసినట్లు పోలీస్‌ అధికారి తెలిపారు. ఆయనపై హత్య కేసు నమోదు చేసినట్లు చెప్పారు. పరారీలో ఉన్న చంద్ర మోహన్ సింగ్ కోసం పోలీసులు వెతుకుతున్నట్లు వివరించారు.

అయితే ఈ సంఘటన బీహార్‌లో రాజకీయ ప్రకంపనలు సృష్టించింది. ఆర్జేడీ నేత తేజస్వి యాదవ్‌ ప్రభుత్వంపై మండిపడ్డారు. ఏఎస్ఐ చంద్ర మోహన్ సింగ్ ఒక మహిళపై అత్యాచారం చేసే ఉద్దేశంతో ఆమె ఇంట్లోకి ప్రవేశించగా కుటుంబ సభ్యులు,  గ్రామస్తులు ప్రతిఘటించినట్లు ఆయన తెలిపారు. దీంతో ఆ పోలీస్‌ అధికారి వారిపై కాల్పులు జరిపి పారిపోయినట్లు ఆరోపించారు. ఇద్దరు మరణించగా మరో ఇద్దరు గాయపడినట్లు తెలిపారు. ప్రస్తుత ప్రభుత్వ హయాంలో పోలీసులు నేరస్తులుగా మారుతున్నారని ఆయన విమర్శించారు.