Visit:
బీజింగ్‌, ఆగస్టు 20: రోజుకు ఎన్ని గంటలు అంటే ఠక్కున 24 గంటలు అని చిన్న పిల్లలు సైతం చెప్పేస్తారు. కానీ, ఒకప్పుడు ఈ లెక్క వేరేలా ఉండేదట. అవును, కొన్ని కోట్ల సంవత్సరాల క్రితం భూమిపై ఒక రోజుకు 26 గంటలు ఉండేవట.
చైనాలోని చెంగ్డూ యూనివర్సిటీ ఆఫ్‌ టెక్నాలజీకి చెందిన పరిశోధకులు జరిపిన అధ్యయనంలో ఈ విషయం వెల్లడైంది. చంద్రుడి గురుత్వాకర్షణ భూభ్రమణంపై ప్రభావం చూపుతుందని, ఈ శక్తి తగ్గడం వల్ల భూభ్రమణ వేగం రెండు గంటల మేర పెరిగిందని తెలిపారు.
500 మిలియన్‌ ఏండ్ల నుంచి 650 మిలియన్‌ ఏండ్ల మధ్య సంభవించిన కేంబ్రియన్‌ పేలుడు, 280 మిలియన్‌ సంవత్సరాల నుంచి 340 మిలియన్‌ సంవత్సరాల మధ్య జరిగిన మరో పేలుడు వల్లనే రోజు నిడివి పెరిగిందని వీరు పేర్కొన్నారు. రోజు నిడివి, భూభ్రమణంపై హిమనీనదాల కంటే అలల ప్రభావమే ఎక్కువ ఉంటున్నదని గుర్తించారు.
