వాషింగ్టన్: ఒక షాపింగ్ మాల్లోకి కారు దూసుకెళ్లింది. దీంతో అందులో పని చేసే ఇద్దరు ఉద్యోగులు గాయపడ్డారు. అమెరికాలోని టెంపే నగరంలో ఈ ఘటన జరిగింది. తెల్ల రంగులో ఉన్న కారు ఆ షాపింగ్ మాల్ వద్దకు వచ్చింది. డ్రైవర్ బ్రేక్పై కాలు వేయబోయి ఏక్సలరేటర్పై వేశాడు. దీంతో ఆ కారు షాపింగ్ మాల్ ప్రవేశ ద్వారం నుంచి లోనికి దూసుకెళ్లింది. లోపల మాట్లాడుకుంటున్న ఇద్దరు ఉద్యోగులను బలంగా ఢీకొట్టింది. ఆ షాపింగ్ మాల్లో వస్తువులున్న కొన్ని ర్యాక్లను ధ్వంసం చేసింది. అయితే ఈ ర్యాక్ల వల్ల ఆ ఇద్దరు ఉద్యోగులు స్వల్పంగా గాయపడ్డారు. వారిని ఆసుపత్రిలో అడ్మిట్ చేసి చికిత్స అందిస్తున్నారు.
ఈ ఘటనపై సమాచారం అందుకున్న టెంపే నగర పోలీసులు కారు డ్రైవర్ను అరెస్ట్ చేశారు. కాగా, ఈ ప్రమాదం వల్ల షాపింగ్ మాల్లోని కొన్ని ర్యాక్లు ధ్వంసమయ్యాయని యజమాని తెలిపాడు. ఈ నేపథ్యంలో రిపేర్ కోసం కొన్ని రోజుల పాటు షాపింగ్ మాల్ను మూసివేస్తున్నట్లు చెప్పాడు. మరోవైపు షాపింగ్ మాల్లోకి కారు దూసుకెళ్లి ఇద్దరు ఉద్యోగులను గాయపర్చిన ఈ షాకింగ్ వీడియో సోషల్ మీడియాలో వైరల్ అయ్యింది.
Wow check out this close call!! The driver accidentally left the car in drive and tries to put it in park and unintentionally hit the accelerator. Thankfully only minor injuries! pic.twitter.com/03OWUN9o6c
— Tempe Police (@TempePolice) May 26, 2022