వడగాడ్పులతో వేగంగా వృద్ధాప్యం.. అవి ధూమపానం, మద్యపానం వంటివే

తరచూ వడ గాడ్పులకు గురవడం వల్ల మానవ శరీరంలోని జీవ సంబంధ వయసు పెరిగే ప్రక్రియ వేగవంతమవుతుంది. ధూమపానం, మద్యపానం వల్ల వృద్ధాప్యం వచ్చే స్థాయితో దీనిని పోల్చవచ్చు. చైనాలోని హాంగ్‌ కాంగ్‌ విశ్వవిద్యాలయం పరిశోధకుల అధ్యయనంలో ఈ విషయం తెలిసింది.

బీజింగ్‌ : తరచూ వడ గాడ్పులకు గురవడం వల్ల మానవ శరీరంలోని జీవ సంబంధ వయసు పెరిగే ప్రక్రియ వేగవంతమవుతుంది. ధూమపానం, మద్యపానం వల్ల వృద్ధాప్యం వచ్చే స్థాయితో దీనిని పోల్చవచ్చు. చైనాలోని హాంగ్‌ కాంగ్‌ విశ్వవిద్యాలయం పరిశోధకుల అధ్యయనంలో ఈ విషయం తెలిసింది. వీరు తైవాన్‌లోని 25,000 మందికి చెందిన వైద్య నివేదికలను 14 ఏండ్ల పాటు విశ్లేషించి, ఈ నివేదికను రూపొందించారు.

ఎంత ఎక్కువగా వడగాడ్పులకు గురైతే, అంత వేగంగా వృద్ధాప్యం వస్తుందని ఈ అధ్యయనం వెల్లడించింది. మానవ ఆరోగ్యంపై వేడెక్కుతున్న భూమి శరీర ధర్మ సంబంధిత ఒత్తిళ్ల ప్రభావం గురించి అర్థం చేసుకోవలసిన అవసరం ఉందని ఈ అధ్యయనం స్పష్టం చేస్తున్నది.