మూడు దశాబ్దాలు.. 31 వేల మైళ్ల సాహసయాత్ర

సుమారు మూడు దశాబ్దాల కాలం.. 31 వేల మైళ్ల సుదీర్ఘ ప్రయాణం.. ప్రపంచ యాత్ర చేసిన బ్రిటీష్‌ సాహసికుడు కార్ల్‌ బుష్బీ సొంత ఇంటికి చేరుకోవడంతో ఆయనకు ప్రజల నుంచి ఘన స్వాగతం లభించింది.

లండన్‌: సుమారు మూడు దశాబ్దాల కాలం.. 31 వేల మైళ్ల సుదీర్ఘ ప్రయాణం.. ప్రపంచ యాత్ర చేసిన బ్రిటీష్‌ సాహసికుడు కార్ల్‌ బుష్బీ సొంత ఇంటికి చేరుకోవడంతో ఆయనకు ప్రజల నుంచి ఘన స్వాగతం లభించింది. 28 ఏండ్ల వయసులో ప్రయాణాన్ని ప్రారంభించిన బుష్బీ 57 ఏండ్ల వయసులో 28 ఏండ్ల తర్వాత హల్‌ నగరంలోని సోమవారం తన గృహానికి చేరుకున్నారు.

వందలాదిమంది ఆయనకు ఘన స్వాగతం పలికారు. కుమారుడిని చూసి ఆయన తల్లి తీవ్ర ఉద్వేగంతో ఆలింగనం చేసుకుంది. ఆమెతో పాటు ఆయన 36 ఏండ్ల కుమారుడు, 12 ఏండ్ల మనవరాలు ఆయనను చూసి ఎంతో ఆనందం వ్యక్తం చేశారు. అడవులు, ఎడారులు, గడ్డకట్టిన భూభాగాలు, ప్రపంచంలోని అత్యంత కఠినమైన సరిహద్దుల గుండా సాగుతూ ప్రపంచ వ్యాప్తంగా 31 వేల మైళ్ల సుదీర్ఘ ప్రయాణాన్ని ఆయన పూర్తి చేశారు.