దియా మీర్జా వీడియోను తిరిగి అప్‌లోడ్‌ చేయండి

దీపావళికి ముందు బహిరంగంగా రోడ్లమీద బాణసంచా కాల్చవద్దని సినీ నటి దియా మీర్జా పౌరులను కోరిన ఒక వీడియోపై కొంతమంది బీజేపీ నాయకులు చేసిన వ్యాఖ్యలను బాంబే హైకోర్టు విమర్శించింది.

న్యూఢిల్లీ: దీపావళికి ముందు బహిరంగంగా రోడ్లమీద బాణసంచా కాల్చవద్దని సినీ నటి దియా మీర్జా పౌరులను కోరిన ఒక వీడియోపై కొంతమంది బీజేపీ నాయకులు చేసిన వ్యాఖ్యలను బాంబే హైకోర్టు విమర్శించింది. కొందరు రాజకీయ నాయకులు చేసిన అసంబద్ధ వ్యాఖ్యలపట్ల తాము కలత చెందామని పేర్కొంది. భారత్‌ ఒక లౌకిక దేశం అని ఆ రాజకీయ నాయకులకు గుర్తుచేసింది.

ప్రజా రహదారులపై బాణసంచా కాల్చకూడదని కోర్టు ఇచ్చిన ఆదేశాల గురించి అవగాహన కల్పించేందుకు బృహన్‌ ముంబై కార్పొరేషన్‌ కోరిక మేరకు దియా మీర్జా ఈ వీడియోను రూపొందించారు. అయితే, బీజేపీ నాయకులు ఆమెను హిందూ వ్యతిరేకి అని పేర్కొంటూ అభ్యంతరాలు వ్యక్తం చేయడంతో మున్సిపల్‌ సంస్థకు చెందిన సోషల్‌ మీడియా ఖాతా నుంచి ఆ వీడియోను తొలగించారు. మీర్జా వీడియోను తిరిగి అప్‌లోడ్‌ చేసి ప్రజల విశ్వాసాన్ని పునరుద్ధరించాలని ధర్మాసనం బీఎంసీని ఆదేశించింది.