గోటికి చేటు కావొద్దంటే

గోళ్లు అందంగా కనిపించడానికి నెయిల్‌ పాలిష్‌ను ఆశ్రయిస్తారు. సందర్భానికి తగ్గట్టుగా తీరొక్క రంగులతో వాటిని తీర్చిదిద్దుతారు. అయితే, ఆ రంగులను తొలగించడానికి నానా అవస్థలు పడతారు. రసాయనాలతో నిండిన నెయిల్‌పాలిష్‌ రిమూవర్‌ను ఉపయోగిస్తుంటారు.

గోళ్లు అందంగా కనిపించడానికి నెయిల్‌ పాలిష్‌ను ఆశ్రయిస్తారు. సందర్భానికి తగ్గట్టుగా తీరొక్క రంగులతో వాటిని తీర్చిదిద్దుతారు. అయితే, ఆ రంగులను తొలగించడానికి నానా అవస్థలు పడతారు. రసాయనాలతో నిండిన నెయిల్‌పాలిష్‌ రిమూవర్‌ను ఉపయోగిస్తుంటారు. అయితే, వీటిని ఎక్కువగా వాడటం వల్ల గోళ్ల ఆరోగ్యం దెబ్బతింటుందని సౌందర్య నిపుణులు హెచ్చరిస్తున్నారు. రసాయనాలకు
బదులుగా.. సహజసిద్ధంగానే గోళ్ల రంగులను తొలగించుకోవచ్చని చెబుతున్నారు.

• నెయిల్‌ పాలిష్‌ను తొలగించడంలో నిమ్మకాయ అద్భుతంగా పనిచేస్తుంది. గోరువెచ్చని నీటిలో నిమ్మకాయ రసం, కొద్దిగా సోప్‌ లిక్విడ్‌ కలపాలి. ఈ నీటిలో చేతులను ముంచి.. నాలుగైదు నిమిషాలు అలాగే ఉంచాలి. ఆ తర్వాత నిమ్మకాయ తొక్కతో గోళ్లపై సున్నితంగా రుద్దాలి. అంతే.. నెయిల్‌ పాలిష్‌ చిటికెలో వదిలిపోతుంది.
• సాధారణ తెల్లని టూత్‌పేస్ట్‌తోనూ నెయిల్‌ పాలిష్‌ను తొలగించుకోవచ్చు. గోళ్లపై కొద్దిగా టూత్‌ పేస్ట్‌ను రాసి.. బేకింగ్‌ సోడా చల్లాలి. కొద్దిసేపు మెల్లగా రుద్ది.. కాసేపటి తర్వాత తడి కాటన్‌తో తుడిచేస్తే సరి.
• ఉడకబెట్టిన బంగాళదుంప తొక్కను నిమ్మరసం, చక్కెరతో కలిపి గోళ్లపై రాయాలి. కాసేపాగి కాటన్‌ వస్త్రంతో రుద్దేస్తే.. నెయిల్‌ పాలిష్‌ పోతుంది.
• గోరువెచ్చని నీటిలో కొన్ని చుక్కల వెనిగర్‌ కలపాలి. అందులో గోళ్లను ముంచి.. ఇరవై నిమిషాలపాటు అలాగే ఉంచేయాలి. ఆ తర్వాత బయటికి తీసి.. నిమ్మతొక్కతో గోళ్లను బాగా రుద్దాలి. ఇలా చేస్తే నెయిల్‌ పాలిష్‌ తేలికగా రాలిపోతుంది.