కాక్‌పిట్‌లోకి దూసుకొచ్చిన భారీ పక్షి

వేల అడుగుల ఎత్తున విమానం విండ్‌ షీల్డ్‌ను బద్దలు కొట్టుకుని ఒక భారీ పక్షి కాక్‌పిట్‌లోకి వస్తే పైలట్‌ పరిస్థితి ఎలా ఉంటుంది? ఈక్వెడార్‌లోని లాస్‌ రాస్‌ ప్రావిన్స్‌లోని విన్సెస్‌లో స్కాడ్రన్‌ లీడర్‌ ఏరియల్‌ వ్లైంటీ అనే పైలట్‌కు ఈ పరిస్థితి ఎదురైంది.

ఈక్వెడార్‌, జూన్‌ 16: వేల అడుగుల ఎత్తున విమానం విండ్‌ షీల్డ్‌ను బద్దలు కొట్టుకుని ఒక భారీ పక్షి కాక్‌పిట్‌లోకి వస్తే పైలట్‌ పరిస్థితి ఎలా ఉంటుంది? ఈక్వెడార్‌లోని లాస్‌ రాస్‌ ప్రావిన్స్‌లోని విన్సెస్‌లో స్కాడ్రన్‌ లీడర్‌ ఏరియల్‌ వ్లైంటీ అనే పైలట్‌కు ఈ పరిస్థితి ఎదురైంది. ఒక భారీ పక్షి విండ్‌షీల్డ్‌ను బద్దలు కొట్టుకుని కాక్‌పిట్‌లోకి వచ్చి వెంటనే చనిపోయింది. పక్షికి చెందిన రక్తం పైలట్‌ మొఖం, కాళ్లపై పడింది. పక్షి వల్ల పైలట్‌కు ఎలాంటి గాయాలు కాలేదు. అయినా ఈ హఠాత్‌ పరిణామంతో తొలుత షాక్‌ తిన్నప్పటికీ తర్వాత తేరుకున్న కెప్టెన్‌ వ్లైంటీ విమానాన్ని సురక్షితంగా ల్యాండ్‌ చేశారు. సుమారు 10 అడుగుల విశాలమైన రెక్కలతో భారీగా ఉన్న ఈ పక్షి ఏ జాతికి చెందినదో ఇంకా నిర్ధారణ కాలేదు.