Visit:
వాషింగ్టన్‌: హిందువులపై విద్వేషపూరిత దాడులు పెరుగుతున్న నేపథ్యంలో, హిందూఫోబియాను అధికారికంగా గుర్తి స్తూ ఓ బిల్లును అమెరికాలోని జార్జియా స్టేట్‌ ప్రవేశపెట్టింది. దీంతో హిందూఫోబియాను గుర్తించిన తొలి అమెరికా రాష్ట్రంగా జార్జియా నిలిచింది. ఈ బిల్లుకు ఆమోదం లభించి, చట్టంగా మారితే, జార్జియా పీనల్‌ కోడ్‌ను సవరిస్తారు.
అనంతరం దర్యాప్తు సంస్థలు హిందూఫోబియా, హిందువుల పట్ల వివక్ష, విద్వేషపూరిత నేరాలపై చర్యలు చేపట్టడానికి వీలవుతుంది. జార్జియా జనరల్‌ అసెంబ్లీలో ఈ నెల 4న ప్రవేశపెట్టిన ఈ బిల్లుకు స్పాన్సర్లుగా డెమోక్రాట్లు, రిపబ్లికన్లు ఉన్నారు. కొయలిషన్‌ ఆఫ్‌ హిందూస్‌ ఆఫ్‌ నార్త్‌ అమెరికా స్పందిస్తూ, ఈ బిల్లుకు మద్దతిచ్చిన వారందరికీ ధన్యవాదాలు తెలిపింది.
