ఏఐ మనందరినీ చంపేయగలదు.. డీప్‌మైండ్‌ మాజీ ఉద్యోగి హెచ్చరిక

గూగుల్‌ డీప్‌మైండ్‌లో ఆర్టిఫిషియల్‌ జనరల్‌ ఇంటెలిజెన్స్‌(ఏజీఐ) భద్రత, అలైన్‌మెంట్‌పై రిసెర్చ్‌ ఇంజినీరుగా పనిచేసిన బిలాల్‌ చుగ్తాయ్‌ తాజాగా పలు హెచ్చరికలు చేశారు. రానున్న కొన్నేండ్లలో ఏఐ కంపెనీలు ప్రతి రంగంలోనూ మానవ సామర్థ్యాలను మించే సూపర్‌ ఇంటెలిజెంట్‌ వ్యవస్థలను రూపొందించే అవకాశం ఉందని అన్నారు.

న్యూయార్క్‌: గూగుల్‌ డీప్‌మైండ్‌లో ఆర్టిఫిషియల్‌ జనరల్‌ ఇంటెలిజెన్స్‌(ఏజీఐ) భద్రత, అలైన్‌మెంట్‌పై రిసెర్చ్‌ ఇంజినీరుగా పనిచేసిన బిలాల్‌ చుగ్తాయ్‌ తాజాగా పలు హెచ్చరికలు చేశారు. రానున్న కొన్నేండ్లలో ఏఐ కంపెనీలు ప్రతి రంగంలోనూ మానవ సామర్థ్యాలను మించే సూపర్‌ ఇంటెలిజెంట్‌ వ్యవస్థలను రూపొందించే అవకాశం ఉందని అన్నారు. గత జూలైలో సంస్థను వీడిన ఆయన మంగళవారం మీడియాతో మాట్లాడుతూ ఆర్టిఫిషియల్‌ ఇంటెలిజెన్స్‌ ప్రతి ఒక్కరినీ చంపే సామర్థ్యాన్ని కలిగి ఉందని అన్నారు.

ఈ పరిణామాన్ని వివరించేందుకు మనకు సమయం కూడా మించిపోతున్నదన్నారు. దశాబ్దం నాటి గణిత సమస్యలను పరిష్కరించిన ఓపెన్‌ ఏఐ ఏజెంట్‌ సమూహాలను ఆయన ప్రస్తావించారు. ఏఐ ఏజెంట్లు తమ పరీక్షా శాండ్‌ బాక్స్‌ నుంచి బయటకు వచ్చి, ఎలాంటి సూచనలు లేకుండానే హగ్గింగ్‌ ఫేస్‌ను హ్యాక్‌ చేయడం మరింత ఆందోళన కలిగించే విషయమని ఆయన పేర్కొన్నారు.