ర‌ష్యాకు వార్నింగ్ ఇచ్చిన బైడెన్‌

లండ‌న్‌: తొలి విదేశీ ప‌ర్య‌ట‌న మొద‌లుపెట్టిన అమెరికా అధ్య‌క్షుడు జో బైడెన్‌.. శ‌త్రు దేశం ర‌ష్యాకు వార్నింగ్ ఇచ్చారు. ఒక‌వేళ ర‌ష్యా ఏదైనా హానిక‌ర కార్య‌క‌లాపాల‌కు పాల్ప‌డితే, అప్పుడు ఆ దేశం దానికి త‌గిన ప‌రిణామాలు ఎదుర్కోవాల్సి వ‌స్తుంద‌ని బైడెన్ అన్నారు. మిత్ర‌దేశాల‌తో బంధాల్ని బ‌లోపేతం చేయాల‌న్న ఉద్దేశాన్ని అమెరికా అధ్య‌క్షుడు బైడెన్ వినిపించారు. బుధ‌వార‌మే బ్రిట‌న్ చేరుకున్న బైడెన్‌.. ఆ దేశ ప్ర‌ధాని బోరిస్ జాన్స‌న్‌ను క‌ల‌వ‌నున్నారు. యూరోప్ దేశాల్లో మొత్తం 8 రోజుల పాటు బైడెన్ ప‌ర్య‌టించ‌నున్నారు. విండ‌ర్స్ క్యాసిల్‌లో ఆయ‌న క్వీన్ ఎలిజ‌బెత్‌ను క‌ల‌వ‌నున్నారు. జీ7 నేత‌ల స‌మావేశానికి కూడా హాజ‌రుకానున్నారు. అధ్య‌క్ష హోదాలో తొలి నాటో స‌మావేశంలో పాల్గొంటారు. ఇక జెనీవాలో జ‌రిగే ఓ స‌మావేశంలో ర‌ష్యా అధ్య‌క్షుడు పుతిన్‌తోనూ జో బైడెన్ భేటీకానున్నారు. ర‌ష్యాకు సంబంధించిన ఆయుధ నియంత్ర‌ణ‌, వాతావ‌ర‌ణ మార్పులు, ఉక్రెయిన్‌లో ర‌ష్యా జోక్యం, సైబ‌ర్ హ్యాకింగ్‌, న‌వాల్నీ జైలు శిక్ష లాంటి అంశాల‌పై బైడెన్ వ‌త్తిడి తెచ్చే అవ‌కాశాలు ఉన్నాయి.