వాషింగ్టన్: ప్రపంచమంతా ఘనంగా కొత్త ఏడాది (New Year 2024)కి స్వాగతం పలుకుతోంది. న్యూజిలాండ్తో ఆరంభమయ్యే నూతన సంవత్సరం తొలి రోజు అమెరికాలో ముగుస్తుంది. అయితే అంతరిక్షంలోని వ్యోమగాములు మాత్రం ప్రతి ఏటా జనవరి 1న 16 సార్లు న్యూఇయర్ను సెలబ్రేట్ చేసుకుంటారు. అంతర్జాతీయ అంతరిక్ష కేంద్రం (ఐఎస్ఎస్) నిర్ణీత కక్ష్యలో భూమిచుట్టూ అత్యంత వేగంతో పరిభ్రమించడమే దీనికి కారణం.
కాగా, అంతరిక్షంలోని ఇంటర్నెషనల్ స్పేస్ స్టేషన్ (ఐఎస్ఎస్) గంటకు 28,000 కిలో మీటర్ల వేగంతో తిరుగుతుంది. దీంతో 90 నిమిషాల్లో భూమి చుట్టూ ఒక రౌండ్ పూర్తి చేస్తుంది. ఈ నేపథ్యంలో ఐఎస్ఎస్లోని వ్యోమగాములు ప్రతి 45 నిమిషాలకు ఒకసారి భూమిపై పగలు, 45 నిమిషాల తర్వాత రాత్రిని చూస్తారు.
మరోవైపు ఐఎస్ఎస్ ఒక రోజులో భూమి చుట్టూ 16 సార్లు పరిభ్రమిస్తుంది. దీంతో అందులోని వ్యోమగాములు ప్రతి రోజు 16 సార్లు సూర్యోదయాన్ని, 16 సార్లు సూర్యాస్తమయాన్ని ఆస్వాదిస్తారు. ఈ నేపథ్యంలో ఐఎస్ఎస్లోని వ్యోమగాములు కొత్త ఏడాదిని 16 సార్లు స్వాగతం పలుకుతారు. న్యూఇయర్ను 16 సార్లు సెలబ్రేట్ చేసుకునే అరుదైన అవకాశం వారికి లభిస్తుందని నాసా పేర్కొంది.