Google Job Cuts | ఉద్యోగుల పట్ల మర్యాదగా ప్రవర్తించాలి.. సుందర్‌ పిచాయ్‌కు ఉద్యోగుల లేఖ..!

Google Job Cuts | లేఆఫ్స్‌ (Layoffs) ప్రక్రియ సమయంలో ఉద్యోగుల పట్ల కాస్త పరిణతితో వ్యవహరించాలని ప్రముఖ సెర్చింజన్‌ గూగుల్‌ మాతృసంస్థ అల్ఫాబెట్‌ (Google parent Alphabet) ఉద్యోగులు ఆ సంస్థ సీఈవో (Google CEO) సుందర్‌ పిచాయ్‌ (Sundar Picha) ను కోరారు.

Google Job Cuts | లేఆఫ్స్‌ (Layoffs) ప్రక్రియ సమయంలో ఉద్యోగుల పట్ల కాస్త పరిణతితో
వ్యవహరించాలని ప్రముఖ సెర్చింజన్‌ గూగుల్‌ మాతృసంస్థ అల్ఫాబెట్‌ (Google parent Alphabet)
ఉద్యోగులు ఆ సంస్థ సీఈవో (Google CEO) సుందర్‌ పిచాయ్‌ (Sundar Picha) ను కోరారు. సుమారు 1,400 మందికిపైగా ఉద్యోగులు (employees) ఉమ్మడిగా ఓ లేఖ రాశారు. ఉద్యోగుల పట్ల మర్యాదగా ప్రవర్తించాలని లేఖలో కోరారు. ఈ మేరకు ఒక పిటిషన్‌ ( petition) పై సంతకాలు చేసి దాన్ని సీఈవోకు పంపించారు.

ఇదే సందర్భంలో ఉద్యోగులు పలు డిమాండ్లను సీఈవో (CEO)ముందు ఉంచారు. ‘ఉద్యోగుల క్షేమం కోసం
పలు చర్యలు చేపట్టాలి. ప్రస్తుతం కొత్త నియామకాలను నిలిపివేయాలి. అంతేకాకుండా.. తొలగింపులు
చేపట్టేముందు స్వచ్ఛందంగా రిజైన్ చేసేందుకు ఉద్యోగులకు అవకాశం ఇవ్వాలి. భవిష్యత్తులో గూగుల్‌
(Google) చేపట్టే నియామకాల్లో ఇప్పుడు లేఆఫ్స్‌ (Layoffs) కారణంగా ఉద్యోగం కోల్పోయిన వారికి మొదటి ప్రాధాన్యం ఇవ్వాలి. మానవతా సంక్షోభం నెలకొన్న ఉక్రెయిన్‌ (Ukraine) వంటి దేశాల్లోని ఉద్యోగులను తొలగించకూడదు. ఆ దేశాల్లో పనిచేసే ఉద్యోగుల ఉద్యోగం పోతే వీసా సంబంధిత సమస్యలు ఎదుర్కోవాల్సి  వస్తుంది. అలాంటి పరిస్థితుల్లో సంస్థ ప్రత్యేకంగా సాయం అందించాలి’ అని ఉద్యోగులు తమ లేఖలో  సీఈవోను డిమాండ్‌ చేశారు.

‘శ్రామిక శక్తిని తగ్గించుకునేందుకు గూగుల్‌ (Google) తీసుకున్న నిర్ణయం యొక్క ప్రభావాలు  ప్రపంచవ్యాప్తంగా కనిపిస్తున్నాయి. అయితే.. ఉద్యోగుల వాణిని గట్టిగా వినిపించిన దాఖలాలైతే ఎక్కడా లేవు.  వర్కర్ల ఐకమత్యంతో మా వాణిని బలంగా వినిపించవచ్చని అర్థమైంది’ అని ఉద్యోగులు తమ లేఖలో  పేర్కొన్నారు. లేఆఫ్స్ ప్రారంభమయ్యాక తొలిసారిగా ఉద్యోగులు ఈ బహిరంగ లేఖ రాయడం ప్రాధాన్యం  సంతరించుకుంది.

కాగా, గూగుల్ (Google) ఈ ఏడాది మొదట్లో సంస్థలో పనిచేసే సుమారు 12 వేల మంది ఉద్యోగులను విధుల నుంచి తొలగించిన విషయం తెలిసిందే. ఖర్చులను తగ్గించుకోవడానికే ఇలా చేస్తున్నట్లు వెల్లడించింది.  అయితే.. లేఆఫ్స్ (Layoffs) ప్రక్రియ సమయంలో సంస్థ ఉద్యోగుల పట్ల అత్యంత అవమానకరంగా ప్రవర్తించింది అంటూ చాలా మంది ఉద్యోగులు (Employees).. సోషల్ మీడియా వేదికగా తమ ఆవేదనను వ్యక్తం చేశారు. ఈ క్రమంలోనే ఇప్పుడు ఉద్యోగులు సుందర్ పిచాయ్‌ (Sundar Picha) కు ఓపెన్ లెటర్ రాశారు.

తన సంస్థలో ఉద్యోగుల తొలగింపుల గురించి సీఈఓ సుందర్ పిచాయ్ (Sundar Picha) జనవరి 20న ప్రకటించారు. సంస్థలోని 6 శాతం మంది సిబ్బందిని తొలగించబోతున్నట్టు పేర్కొన్నారు. తమ అంచనాలకు భిన్నమైన ఆర్థికపరిస్థితి ఎదుర్కొంటున్నామని అప్పట్లో ఆయన వ్యాఖ్యానించారు. గూగుల్‌తో పాటూ మైక్రోసాఫ్ట్, అమెజాన్, మెటా, ట్విట్టర్‌ వంటి పలు టాప్‌ సంస్థలన్నీ ఉద్యోగులపై వేటు వేసిన విషయం తెలిసిందే. ఆయా కంపెనీలు ఆరు నెలల్లోనే వేల మంది ఉద్యోగుల్ని ఇంటికి పంపించేశాయి.

Also Read..

Dima Nova | తన పాటతో పుతిన్‌పై వ్యతిరేకత వ్యక్తం చేసిన రష్యన్‌ పాప్‌ స్టార్‌ మృతి

Mrunal Thakur | సినీ ఇండస్ట్రీలో పదేండ్ల సంఘర్షణను తలచుకుంటూ ఎమోషనల్‌ అయిన మృణాల్‌ ఠాకూర్‌

David Warner: త‌గ్గేదేలే.. వార్న‌ర్ సెల‌బ్రేష‌న్