Kirpan @ USA colleges | కాలేజీల్లో సిక్కులు కిర్పాన్‌ ధరించవచ్చు.. అమెరికా ప్రభుత్వం అనుమతి

Kripan @ USA colleges | సిక్కులు కిర్పాన్‌ను ధరించి కాలేజీలకు వచ్చేందుకు అమెరికా అనుమతించింది. వెపన్స్‌ ఆన్‌ క్యాంపస్‌ పాలసీలో మార్పులు చేసిన అమెరికా అధికారులు.. కిర్పాన్‌ ధరించేందుకు వీలు కల్పించారు.

Kirpan @ USA colleges | అమెరికాలో చదువుతున్న సిక్కు విద్యార్థులు ఇప్పుడు కాలేజీల్లో కిర్పాన్‌ ధరించొచ్చు. విద్యాసంస్థల్లో కిర్పాన్‌ను ధరించేందుకు అమెరికా ప్రభుత్వం గ్రీన్‌సిగ్నల్‌ ఇచ్చింది. అమెరికా విద్యావిధానంలో తీసుకొచ్చిన మార్పుల మేరకు సిక్కులకు కిర్పాన్‌ ధరించే వెసులుబాటును కల్పించింది. రెండు నెలల క్రితం కిర్పాన్‌ ధరించి కాలేజీకి వచ్చిన విద్యార్థినొకరిని అక్కడి పోలీసులు అరెస్ట్‌ చేశారు. దాంతో విద్యావిధానంపై ప్రభుత్వం సమీక్ష జరిపింది.

అమెరికాలో వెపన్స్‌ ఆన్‌ క్యాంపస్‌ పాలసీని నిక్కచ్చిగా అమలుచేస్తున్నారు. ఇటీవల జరిగిన సంఘటన నేపథ్యంలో ఈ పాలసీపై సమీక్ష జరిపిన అధికారులు అప్‌డేట్‌ చేసేందుకు సుముఖత వ్యక్తం చేశారు. ఈ నిర్ణయం మేరకు అమెరికాలోని విద్యాసంస్థల్లో సిక్కు విద్యార్థులు కిర్పాన్‌ను ధరించేందుకు వీలు కలుగుతున్నది. గత సెప్టెంబర్‌లో ఓ సిక్కు విద్యార్థి కిర్పాన్‌ ధరించి నార్త్‌ కరోలినా విశ్వవిద్యాలయానికి వచ్చాడు. కిర్పాన్‌ను తీసేయాలని అక్కడి అధికారులు చేసిన సూచనను ఆ విద్యార్థి పాటించకపోవడంతో.. సదరు విద్యార్థిని పోలీసులు అరెస్ట్‌ చేశారు.

ఈ ఘటన నేపథ్యంలో యూనివర్సిటీ పాలసీలో మార్పులు తీసుకొచ్చారు. ఈ పాలసీ ప్రకారం కిర్పాన్ పొడవు 3 అంగుళాల కంటే తక్కువగా ఉండాలి. సిక్కు కూటమి, గ్లోబల్ సిక్కు కౌన్సిల్‌తో పాటు పలువురు సిక్కు నాయకులతో చర్చించిన మీదట పాత విధానానికి మార్పులు చేసినట్లు అమెరికా విద్యాశాఖ అధికారులు వెల్లడించారు.