Visit:
Viral Video: కొమొడో డ్రాగన్‌..! ఇది ఈ భూమ్మీద జీవించి ఉన్న అతిపెద్ద బల్లి..! ఇది రెండు నుంచి రెండున్నర మీటర్ల పొడవు, దాదాపు 90 కేజీల వరకు బరువు పెరుగుతుంది. ఈ బల్లి నోట్లో పళ్లు షార్క్‌ పళ్లలా షార్ప్‌గా ఉంటాయి. అత్యంత ప్రమాదకరమైన విషాన్ని కలిగి ఉంటుంది. భారీ కాయమున్న ఈ బల్లి ఏ జంతువునైనా వేటాడి తింటుంది. అలాంటిదే ఓ కొమొడో డ్రాగన్‌ తాబేలును వేటాడి దాని పెంకును తలకేసుకొని ఆడుతున్న వీడియో సోషల్‌ మీడియాలో వైరల్‌గా మారింది.
2019లో తీసిన ఈ పాత వీడియోను ఫాస్కినేటింగ్‌ అనే పేరుగల ఓ ట్విట్టర్‌ యూజర్‌ మరోసారి పోస్ట్ చేయడంతో ఇంటర్నెట్‌లో చక్కెర్లు కొడుతున్నది. ఈ వీడియోలో ఓ కొమొడో డ్రాగన్‌ బీచ్‌ వెంట నడుస్తూ కనిపిస్తుంది. తాబేలును వేటాడి దాని కర్పరం లోపల తలదూర్చి మెత్తటి భాగాన్ని తింటూ రాజసంగా ముందుకు సాగుతూ ఉంటుంది. కర్పరంలోని మాంసాన్ని పూర్తిగా ఖాళీ చేసిన తర్వాత ఒక్కసారిగా తలను విదిలించి దాన్నుంచి బయటికి వచ్చింది.
తాబేలు కర్పరాన్ని తలకు హెల్మెట్‌లా తగిలించుకుని కనిపించిన ఈ కొమొడోడ్రాగన్‌.. నెటిజన్‌ల దృష్టిని బాగా ఆకర్షించింది. సోమవారం ఉదయం పోస్ట్ చేసిన ఈ వీడియోకు ఇప్పటికే 4 లక్షలకుపైగా వ్యూస్‌ వచ్చాయి. 9 వేల మందికిపైగా లైక్‌ చేశారు. వందలాది మంది కామెంట్స్‌ చేస్తున్నారు. మరెందుకు ఆలస్యం మీరు కూడా ఈ వీడియోను చూసేయండి..
A komodo dragon ate a turtle and then wore it like a hat. Original video: https://t.co/HfyCM0qT3Y pic.twitter.com/dTQjPi0F9I
— Fascinating (@fasc1nate) October 17, 2022
