Earthquake | అల‌స్కాలో భారీ భూకంపం.. ఐదు రోజుల్లో రెండోసారి

అమెరికాలోని అలస్కాలో (Alaska) మ‌రోసారి భారీ భూకంపం (Earthquake) వ‌చ్చింది. దీని తీవ్ర‌త 6.2గా న‌మోద‌యింది. భూకంప కేంద్రం భూమికి 48 కిలోమీట‌ర్ల లోతులు ఉన్న‌ట్లు నేష‌న‌ల్ సెంట‌ర్ ఫ‌ర్ సిస్మాల‌జీ వెల్ల‌డించింది.

Earthquake: అమెరికాలోని అలస్కాలో (Alaska) మ‌రోసారి భారీ భూకంపం (Earthquake) వ‌చ్చింది. దీని తీవ్ర‌త 6.2గా న‌మోద‌యింది. భూకంప కేంద్రం భూమికి 48 కిలోమీట‌ర్ల లోతులు ఉన్న‌ట్లు నేష‌న‌ల్ సెంట‌ర్ ఫ‌ర్ సిస్మాల‌జీ వెల్ల‌డించింది. అయితే భూకంపం వల్ల జరిగిన ప్రాణ, ఆస్తి నష్టానికి సంబంధించిన వివరాలు తెలియరాలేదు. ముందు జాగ్రత్తగా పౌరులను సురక్షిత ప్రాంతాల్లో తలదాచుకోవాలని అధికారులు సూచించారు. సునామీ హెచ్చ‌రిక‌లు జారీచేశారు.

ఈ నెల 17న కూడా అల‌స్కా తీరంలో భారీ భూకంపం సంభవించింది. దీని తీవ్రత రిక్టర్‌ స్కేల్‌పై 7.3గా నమోదయింది. గ‌త‌ బుధవారం మధ్యాహ్నం 12.37 గంటల సమయంలో (స్థానిక కాలమానం ప్రకారం) భూమి కంపించిందని యూఎస్‌ జియోలాజికల్‌ సర్వే (USGS) తెలిపింది. భూ అంతర్భాగంలో 10 కిలోమీటర్ల లోతులో కదలికలు సంభవించాయని వెల్లడించింది.

భూకంపాలు తరుచుగా వచ్చే పసిఫిక్‌ రింగ్‌ ఆఫ్‌ ఫైర్‌ ప్రాంతంలో అలస్కా ఉంది. 1964 మార్చి నెలలో 9.2 తీవ్రతతో ఈ ప్రాంతంలో భూకంపం వచ్చింది. దీంతో 250 మందికిపైగా మరణించారు. 2023లో 7.2 తీవ్రతతో భారీ భూకంపం వచ్చినప్పటికీ పెద్దగా నష్టం సంభవించలేదు.

మ‌రోవైపు త‌జికిస్థాన్‌లో కూడా భూ ప్ర‌కంప‌న‌లు వ‌చ్చాయి. 4.6 తీవ్ర‌త‌తో భూమి కంపించింది. భూ అంత‌ర్భాగంలో 23 కిలోమీట‌ర్ల లోతులో క‌ద‌లిక‌లు సంభ‌వించాయని అధికారులు తెలిపారు. అంత‌కుముందు జూలై 18న కూడా త‌జికిస్థాన్‌లో 3.8 తీవ్ర‌త‌తో భూమి కంపించింది.

EQ of M: 6.2, On: 21/07/2025 03:58:02 IST, Lat: 54.99 N, Long: 159.98 W, Depth: 48 Km, Location: Alaska Peninsula.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/t6cCnC8XH1

— National Center for Seismology (@NCS_Earthquake) July 20, 2025