Visit:
జార్జియా: అమెరికా మరోసారి తుపాకీ కాల్పులతో (Mass shooting ) వణికిపోయింది. జార్జియాలోని (Georgia) హెన్రీ కౌంటిలో (Henry county) ఉన్న హాంప్టన్ ప్రాంతంలో ఓ దుండగుడు జరిపిన కాల్పుల్లో నరుగురు మృతిచెందారు. మరణించినవారిలో ముగ్గురు పరుషులు, ఓ మహిళ ఉన్నారని అధికారులు తెలిపారు. నిందితుడు పరారీలో ఉన్నాడని, అతడినికోసం ముమ్మరంగా గాలిస్తున్నామని హాంప్టన్ పోలీస్‌ చీఫ్‌ జేమ్స్‌ టర్నర్‌ (James Turner) వెల్లడించారు.
హాంప్టన్ (Hampton) చెందిన 40 ఏండ్ల వయస్సున్న ఆండ్రీ లాంగ్‌మోర్‌ (Andre Longmore) అనే వ్యక్తి ఈ ఘాతుకానికి పాల్పడినట్లు అనుమానిస్తున్నామని చెప్పారు. అతడి గురించి సమాచారం అందించినవారికి 10 వేల డాలర్లు రివార్డు ప్రకటించారు. నలుపు రంగులో ఉన్న జీఎంసీ అకాడియా ఎస్‌యూవీ (GMC Acadia SUV)లో అతడు తప్పించుకుని ఉండొచ్చని చెప్పారు. అతని ఫొటోను అధికారులు విడుదల చేశారు. కాగా, అమెరికాలో ఈ ఏడాది ఇప్పటివరకు 31 కాల్పుల ఘటనలు చోటుచేసుకున్నాయి. అందులో 153 మంది ప్రాణాలు కోల్పోయారు.
