Traffic Restrictions | ‘డాకు మ‌హారాజ్’ ప్రీ రిలీజ్ ఈవెంట్.. నేడు హైద‌రాబాద్ ట్రాఫిక్ ఆంక్ష‌లు

Traffic Restrictions | హిందూపురం ఎమ్మెల్యే, టాలీవుడ్ న‌టుడు బాల‌కృష్ణ న‌టించిన డాకు మ‌హారాజ్ మూవీ ప్రీ రిలీజ్ ఈవెంట్ యూసుఫ్‌గూడ ఫ‌స్ట్ బెటాలియ‌న్ గ్రౌండ్స్‌లో జ‌ర‌నుగంది.

Traffic Restrictions | హైద‌రాబాద్ : హిందూపురం ఎమ్మెల్యే, టాలీవుడ్ న‌టుడు బాల‌కృష్ణ న‌టించిన డాకు మ‌హారాజ్ మూవీ ప్రీ రిలీజ్ ఈవెంట్ యూసుఫ్‌గూడ ఫ‌స్ట్ బెటాలియ‌న్ గ్రౌండ్స్‌లో జ‌ర‌నుగంది. ఈ ఈవెంట్‌ను శుక్ర‌వారం సాయంత్రం 4 గంట‌ల నుంచి రాత్రి 10 గంట‌ల మ‌ధ్య నిర్వ‌హించ‌నున్నారు. ఈ నేప‌థ్యంలో యూసుఫ్‌గూడ ప‌రిస‌ర ప్రాంతాల్లో పోలీసులు ట్రాఫిక్ ఆంక్ష‌లు విధించారు.

ట్రాఫిక్ ఆంక్ష‌లు ఇలా..

– జూబ్లీహిల్స్ చెక్ పోస్టు నుంచి కోట్ల విజ‌య్ భాస్క‌ర్ రెడ్డి స్టేడియం వైపు వ‌చ్చే వాహ‌నాల‌ను కృష్ణాన‌గ‌ర్ వ‌ద్ద మ‌ళ్లించ‌నున్నారు. ఈ వాహ‌నాల‌ను శ్రీన‌గ‌ర్ కాల‌నీ, పంజాగుట్ట మీదుగా మ‌ళ్లించ‌నున్నారు.
– మైత్రివ‌నం జంక్ష‌న్ నుంచి జూబ్లీహిల్స్ చెక్ పోస్టు, మాదాపూర్ వైపు వెళ్లే వాహ‌నాల‌ను ఆర్బీఐ క్వార్ట‌ర్స్, కృష్ణా న‌గ‌ర్ జంక్ష‌న్ వ‌ద్ద మ‌ళ్లించనున్నారు.
– మైత్రివ‌నం జంక్ష‌న్ నుంచి బోర‌బండ బ‌స్టాప్ వైపు వెళ్లే వాహ‌నాల‌ను కృష్ణ‌కాంత్ పార్క్, జీటీఎస్ టెంపుల్, క‌ల్యాణ్ న‌గ‌ర్, మోతీ న‌గ‌ర్ మీదుగా బోర‌బండ బస్టాప్ వైపు అనుమ‌తించ‌నున్నారు.
– అదే విధంగా బోరబండ నుంచి మైత్రివ‌నం జంక్ష‌న్ వైపు వెళ్లే వాహ‌నాల‌ను జీటీఎస్ కాల‌నీ, క‌ల్యాణ్ న‌గ‌ర్ జంక్ష‌న్, ఉమేశ్ చంద్ర విగ్ర‌హం మీదుగా మ‌ళ్లించ‌నున్నారు.
– ఇక ప్రీ రిలీజ్ ఈవెంట్‌కు హాజ‌ర‌య్యే వారు త‌మ వాహ‌నాల‌ను జాన‌క‌మ్మ తోట‌, స‌వేరా ఫంక్ష‌న్ హాల్, మ‌హ్మ‌ద్ ఫంక్ష‌న్ హాల్ వ‌ద్ద పార్కింగ్ చేసుకోవాల‌ని ట్రాఫిక్ పోలీసులు సూచించారు.

ఇవి కూడా చ‌ద‌వండి..

Hydraa | భారీ పోలీస్ బందోబస్తు నడుమ మణికొండలో హైడ్రా కూల్చివేతలు : వీడియో

Ravichandran Ashwin | హిందీ జాతీయ భాష కాదు : రవిచంద్రన్‌ అశ్విన్‌

Journalist Arrest | రేవంత్ రెడ్డి ప్ర‌భుత్వాన్ని ప్ర‌శ్నిస్తున్నందుకు జ‌ర్న‌లిస్ట్ అక్ర‌మ అరెస్ట్