యువతులు, మహిళలు తమపై జరిగే అఘాయిత్యాలు, వేధింపులు, ఇతర వెకిలి చేష్టలపై మౌనంగా ఉండొద్దు. వెంటనే షీ టీమ్స్కు ఫిర్యాదు చేస్తే పోకిరీలపై కఠిన చర్యలు తీసుకుంటాం. సైబరాబాద్
పరిధిలో 11 షీటీమ్స్ బృందాలు నిరంతరం పనిచేస్తున్నాయి. -అనసూయ, డీసీపీ
సిటీబ్యూరో, అగస్టు 19(నమస్తే తెలంగాణ): మహిళలు, యువతులను వేధించిన ఆకతాయిలపై షీ టీమ్స్ కొరడా ఝళిస్తున్నది. సైబరాబాద్ పోలీస్ కమిషనరేట్ పరిధిలో పోకిరీల ఆగడాలపై జూలైలో 157 ఫిర్యాదులు అందగా, 11 ఘటనలపై కేసులు నమోదు చేసి నిందితులను అరెస్టు చేశారు. మిగతా వాటిపై పెట్టీ కేసులు పెట్టారు. మొత్తం 189 మంది ఆవారగాళ్లకు వారి కుటుంబ సభ్యుల సమక్షంలో కౌన్సిలింగ్ ఇచ్చారు. మరికొందరికీ మరోసారి తప్పు చేస్తే కఠిన సెక్షన్ల కింద కేసులు నమోదు చేస్తామని వార్నింగ్ను ఇచ్చారు. ఎవరూ వేధించినా.. బెదిరించినా… వెంటనే షీటీమ్స్కు ఫిర్యాదు చేయాలని, ‘ఆమె’కు అండగా ఉంటామని భరోసా ఇస్తున్నారు.
సైబరాబాద్ వాట్సాప్ నం. 9490617444, బాలానగర్ షీ టీమ్స్ నం. 9490617349, ఐటీ కారిడార్-9490617352, మాదాపూర్-8333993519, కూకట్పల్లి-9493626811, జగద్గరిగుట్ట-9493624561, మియాపూర్-9491051421, పేట్బషీరాబాద్-790111 4137, రాజేంద్రనగర్-7901114140, శంషాబాద్-9490617354, చేవెళ్ల-9493625379, షాద్నగర్-9493624147 లేదా డయల్ 100 లేదా sheteam.cyberabad< \@>gmail. com, twitter-<\@>sheteamcybd, facebook.com wogman & childrensafety win, instagram.com womenandchildrensafetywingcybd నుంచి షీ టీమ్స్కు ఫిర్యాదు చేయవచ్చు. సహాయాన్ని కోరవచ్చు. బస్సు స్టాప్లు, మెట్రో స్టేషన్లు, షాపింగ్ మాల్స్, హాట్ స్పాట్స్లతో పాటు పలు ప్రాంతాల్లో ఏర్పాటు చేసిన క్యూ ఆర్ కోడ్ను స్కాన్ చేసి.. వాటిలో లొకేషన్, ఫోన్ నంబర్ పెట్టినా షీ టీమ్స్ మీరు ఆపదలో ఉన్న స్పాట్కు చేరుకుని మిమ్మల్ని రక్షిస్తాయి. ఫిర్యాదు నమోదు చేసినా యాక్షన్ తీసుకుంటారు.