ఉద్యోగులను తొలగించడం అన్యాయం

రాష్ట్రంలోని వివిధ ఎస్‌బీఐ శాఖల్లో పనిచేస్తున్న సెలెక్టెడ్‌ ప్యానెల్‌ ఉద్యోగులకు ఉత్తర్వులు లేకుండా తొలగించడం అన్యాయమని, వెంటనే ఉద్యోగాల్లోకి తీసుకోవాలని స్టేట్‌ బ్యాంక్‌ ఆఫ్‌ ఇండియా సెలెక్టెడ్‌ ప్యానెల్‌ ఎంప్లాయీస్‌ అసోసియేషన్‌ ఆంధ్రప్రదేశ్‌, తెలంగాణ నాయకులు డిమాండ్‌ చేశారు

కవాడిగూడ: రాష్ట్రంలోని వివిధ ఎస్‌బీఐ శాఖల్లో పనిచేస్తున్న సెలెక్టెడ్‌ ప్యానెల్‌ ఉద్యోగులకు ఉత్తర్వులు లేకుండా తొలగించడం అన్యాయమని, వెంటనే ఉద్యోగాల్లోకి తీసుకోవాలని స్టేట్‌ బ్యాంక్‌ ఆఫ్‌ ఇండియా సెలెక్టెడ్‌ ప్యానెల్‌ ఎంప్లాయీస్‌ అసోసియేషన్‌ ఆంధ్రప్రదేశ్‌, తెలంగాణ నాయకులు డిమాండ్‌ చేశారు. ఈ మేరకు ప్యానెల్‌లో ఉన్న ఉద్యోగులందరినీ వెంటనే విధుల్లోకి తీసుకోవాలని డిమాండ్‌ చేస్తూ స్టేట్‌ బ్యాంక్‌ ఆఫ్‌ ఇండియా సెలెక్టెడ్‌ ప్యానెల్‌ ఎంప్లాయీస్‌ అసోసియేషన్‌ ఏపీ, తెలంగాణ ఆధ్వర్యంలో సోమవారం ఇందిరాపార్కు వద్ద ధర్నా నిర్వహించారు. అసోసియేషన్‌ అధ్యక్షుడు అజ్మీర్‌ షా, కార్యదర్శి సూర్యనారాయణ, అసోసియేషన్‌ నేతలు శ్రీనివాసులు, ఆర్‌.బెనర్జీ, ఎం.ముత్తయ్య, కొమరయ్య,శ్రీనివాసులు, భూసన్న, సిమ్మయ్య తదితరులు పాల్గొన్నారు.