ఆశ పెట్టి..పెండ్లి చేసి!
పాతబస్తీకి చెందిన 16 ఏండ్ల బాలిక అనారోగ్యంతో ఆసుపత్రికి వెళ్లింది. వైద్య పరీక్షల్లో ఆమె గర్భిణిగా తేలింది. ఆధార్కార్డులో ఉన్న వయసును చూసిన డాక్టర్లు పోలీసులకు సమాచారం అందించారు.
- మైనర్లను ఎర వేస్తున్న మధ్యవర్తులు
- మధ్యవర్తులుగా వ్యవహరిస్తున్న మహిళలు
- ఈ ఏడాది 65 మంది మైనర్ల గుర్తింపు..
- ఏజెంట్ల వివరాలు సేకరిస్తున్న పోలీసులు
పాతబస్తీకి చెందిన 16 ఏండ్ల బాలిక అనారోగ్యంతో ఆసుపత్రికి వెళ్లింది. వైద్య పరీక్షల్లో ఆమె గర్భిణిగా తేలింది. ఆధార్కార్డులో ఉన్న వయసును చూసిన డాక్టర్లు పోలీసులకు సమాచారం అందించారు. విచారణలో ఆరుగురు కుమార్తెలున్న కుటుంబంలో ఆర్థికభారం తగ్గించుకోవాలనే ఉద్దేశంతో తల్లిదండ్రులు ఆ అమ్మాయికి వివాహం చేసినట్లు తేలింది.
అక్టోబర్లో పాతబస్తీ కాలాపత్తర్లో 17 ఏండ్ల బాలికకు 42 ఏళ్ల వ్యక్తితో నికాహ్ జరిపించేందుకు ఏర్పాట్లు చేశారు. అతనిని దుబాయ్ షేక్గా చూపించి వివాహానికి ఒప్పించినట్లు తెలుస్తోంది. సమాచారం అందుకున్న పోలీసులు వివాహం జరుగుతున్న ప్రాంతానికి చేరుకుని అడ్డుకున్నారు. మధ్యవర్తులతో పాటు బాలిక తల్లిదండ్రులపై కేసు నమోదైంది. విచారణలో ఆ వ్యక్తి అరబ్ షేక్ కాదని, దుబాయ్లో క్యాబ్ డ్రైవర్గా పని చేస్తున్నాడని పోలీసులు స్పష్టం చేశారు.
పాతబస్తీతో పాటు ఇతర ప్రాంతాల్లోనూ వివాహాలు
సికింద్రాబాద్ ప్రాంతంలో 14ఏండ్ల బాలిక గర్భం దాల్చింది. ప్రసవం గురించి భయంతో యూట్యూబ్ వీడియోలు చూసి స్నేహితురాలి సహాయంతో ప్రసవానికి యత్నించింది.తీవ్రరక్తస్రావంతో అపస్మారక స్థితికి చేరిన తర్వాతే విషయం బయటపడింది.
ఓ బాలిక తల్లిదండ్రులకు హైదరాబాద్లో ఇల్లు రాసిస్తానని హామీ ఇచ్చిన మధ్యవర్తులు ఆమెకు దుబాయ్లో నివసిస్తున్న వ్యక్తితో వివాహం జరిపించేందుకు ప్రయత్నించారు. పోలీసుల జోక్యంతో ఆ బాలికను రక్షించినట్లు తెలిసింది.
సిటీబ్యూరో, నవంబర్ 20(నమస్తే తెలంగాణ): ఒకవైపు పెండ్లి మండపం వద్ద ఆగిన బాల్యవివాహం.. మరోవైపు ఆసుపత్రి పడకపై గర్భంతో కనిపిస్తున్న చిన్నారులు.. ఇవి కేవలం కొన్ని కుటుంబాల విషాదాలు మాత్రమే కావు. బాల్యవివాహం జరిగిన తర్వాత బాలికలు ఎదుర్కొంటున్న ఆరోగ్యం, భద్రత, మానసిక సమస్యలకు అద్దంపడుతున్న ఉదాహరణలు. హైదరాబాద్లోని షాహిన్నగర్, హసన్నగర్, యాకుత్పురా, బార్కస్, చార్మినార్, వట్టెపల్లి తదితర ప్రాంతాల్లో ఇలాంటి వ్యవహారాలు జరుగుతున్నాయని ఓ సంస్థ నిర్వహించిన పరిశోధనలో తేలింది.
ఇప్పుడు కేవలం నగదు ఆశచూపించడమే కాకుండా హైదరాబాద్లో ఇల్లు కొనిస్తామని, ఆస్తి బదిలీ చేయిస్తామని చెప్పి పేద కుటుంబాలను ఆకర్షించి మైనర్ బాలికలను వివాహానికి ఒప్పిస్తున్నట్లు పోలీసులు చెప్పారు. ఇది కేవలం పాతబస్తీకే పరిమితం కాలేదు. రామంతాపూర్కు చెందిన 15 ఏండ్ల బాలికకు బంజారాహిల్స్లోని ఉదయ్నగర్కు చెందిన 28 ఏండ్ల వ్యక్తితో వివాహం జరిగినట్లు పోలీసులు గుర్తించారు. పెళ్లయిన నెలరోజుల్లోనే బాలికను భర్త శారీరకంగా, మానసికంగా వేధించినట్లు ఆరోపణలు వచ్చాయి.
అనంతరం ఆమెను పుట్టింటికి పంపించగా ఫోన్లో బెదిరింపులు కొనసాగినట్లు సమాచారం. తల్లి ఉప్పల్ పోలీసు స్టేషన్లో ఫిర్యాదు చేయడంతో మహిళా, శిశు సంక్షేమశాఖ అధికారులు విచారణ చేపట్టారు. గత సంవత్సరం ఖైరతాబాద్లో ఒక బాలికను వివాహం కోసం ఒత్తిడి చేస్తూ తీవ్రంగా కొట్టినట్లు పోలీసులకు సమాచారమందడంతో వారు ఆమెను రక్షించారు.
గర్భిణులుగా 65 మంది మైనర్లు !
హైదరాబాద్లో ఇటీవల పోలీసులు గుర్తించిన వివరాల ప్రకారం ఈ యేడాది 65 మంది మైనర్లు గర్భం దాల్చినట్లు తెలిసింది. వీరిలో పాతబస్తీ మాత్రమే కాకుండా నగరంలోని పలు ప్రాంతాలకు చెందిన వారు కూడా ఉండడం గమనార్హం. ప్రధానంగా బాల్యవివాహాలు జరిగిన తర్వాత బాలికలు ఆసుపత్రికి వచ్చినప్పుడు గుర్తించిన కేసులే ఇవి అని ఓ పోలీసు అధికారి చెప్పారు. ప్రధానంగా ఈ బాల్యవివాహాలకు ఆర్థిక పరిస్థితులే ప్రధాన కారణం కాగా.. కొందరు మహిళలు మధ్యవర్తులుగా కీలక పాత్ర వహిస్తున్నట్లు సమాచారం.
పాత్ర కీలకంగా ఉన్నట్లు పోలీసులు చెప్పారు. ఆర్థిక ఇబ్బందుల నుంచి కుటుంబాలను బయటపడేస్తామని చెప్పి బాలికలను పావులుగా మార్చి గుట్టుచప్పుడు కాకుండా వివాహాలు జరిపిస్తున్నారు. వరుస ఘటనల నేపథ్యంలో పోలీసులు అప్రమత్తమై దుబాయ్తోపాటు బాల్య వివాహాలకు ఎర వేస్తున్న ఏజెంట్లు వివరాలు సేకరించే పనిలో పడ్డారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

