జూబ్లీహిల్స్, ఫిబ్రవరి 28 : నేషనల్ మెడికల్ కమిషన్ భాస్కర్ మెడికల్ కాలేజీని మెడికల్ ఎడ్యుకేషన్ టెక్నాలజీస్ నోడల్ సెంటర్గా గుర్తించింది. ఈ నోడల్ సెంటర్ను నేషనల్ మెడికల్ కమిషన్ యూజీఎంఈబీ ప్రెసిడెంట్ డాక్టర్ అరుణ వి.వణికర్, నేషనల్ మెడికల్ కమిషన్ సభ్యుడు డాక్టర్ విజయేంద్రకుమార్ బుధవారం ప్రారంభించారు.
నోడల్ సెంటర్ మెంటార్ డాక్టర్ అవినాశ్ సూపే, జేబీ విద్యా సంస్థల ప్రమోటర్, జోగింపల్లి బీఆర్ ఎడ్యుకేషనల్ సొసైటీ సభ్యురాలు డాక్టర్ బి.దీపిక, భాస్కర్ మెడికల్ కాలేజీ డీన్ డాక్టర్ పీవీ చలం, నోడల్ సెంటర్ కన్వీనర్ డాక్టర్ బి.శృతి, వివిధ రాష్ర్టాల నుంచి 24 వైద్య కళాశాలల ప్రిన్సిపాల్స్, ఫ్యాకల్టీలు పాల్గొన్నారు.