ముస్లింల సంక్షేమానికి ప్రభుత్వం పెద్దపీట
ముస్లింల అభివృద్ధికి, సంక్షేమానికి రాష్ట్ర ప్రభుత్వం పెద్దపీట వేస్తుందని, రాష్ట్రంలో అన్ని పండుగలకు ప్రాధాన్యత కల్పిస్తున్న ఏకైక సీఎం కేసీఆర్‌ మాత్రమేనని చేవెళ్ల ఎంపీ గడ్డం రంజిత్‌రెడ్డి అన్నారు.
- చేవెళ్ల ఎంపీ రంజిత్‌రెడ్డి
మాదాపూర్‌/కొండాపూర్‌/మియాపూర్‌, ఏప్రిల్‌ 22: ముస్లింల అభివృద్ధికి, సంక్షేమానికి రాష్ట్ర ప్రభుత్వం పెద్దపీట వేస్తుందని, రాష్ట్రంలో అన్ని పండుగలకు ప్రాధాన్యత కల్పిస్తున్న ఏకైక సీఎం కేసీఆర్‌ మాత్రమేనని చేవెళ్ల ఎంపీ గడ్డం రంజిత్‌రెడ్డి అన్నారు. మాదాపూర్‌ డివిజన్‌ పరిధిలోని ఆదిత్యానగర్‌ కాలనీలో పవిత్ర రంజాన్‌ పర్వదినాన్ని పురస్కరించుకొని ఈద్గా వద్ద ఏర్పాటు చేసిన రంజాన్‌ వేడుకలకు ఎంపీ రంజిత్‌రెడ్డి, స్థానిక ఎమ్మెల్యే, విప్‌ గాంధీ, మాదాపూర్‌ కార్పొరేటర్‌ వి.జగదీశ్వర్‌ గౌడ్‌తోపాటు మాదాపూర్‌ డీసీపీ శిల్పవల్లి హాజరై ముస్లిం సోదరులకు రంజాన్‌ శుభాకాంక్షలను తెలుపుతు ప్రార్థనల్లో పాల్గొన్నారు.
ఈ సందర్భంగా ఎంపీ రంజిత్‌రెడ్డి మాట్లాడుతూ.. విశ్వమానవ శాంతి కొరకు జరిగే రంజాన్‌ ప్రార్థనల ద్వారా అల్లా దీవెనలతో ప్రజలంతా సంతోషంగా ఉండాలని ఆకాంక్షించారు. అనంతరం విప్‌ గాంధీ మాట్లాడుతూ..రాష్ట్ర ప్రభుత్వం పేద ముస్లింలకు దుస్తుల పంపిణీ చేయడం, అధికారికంగా ఇఫ్తార్‌ విందు ఇచ్చి వారి ఆత్మ గౌరవాన్ని నిలిపేలా కార్యక్రమాలను చేపడుతున్నట్లు తెలిపారు. ఈ కార్యక్రమంలో మాదాపూర్‌ డివిజన్‌ బీఆర్‌ఎస్‌ అధ్యక్షుడు ఎర్రగుడ్ల శ్రీనివాస్‌ యాదవ్‌, మైనారిటీ నాయకులు మునాఫ్‌ ఖాన్‌, లియాకత్‌, రహీం, బాబూ మియా, సలీం, మియాన్‌, అంకారావు, రాములు యాదవ్‌ తదితరులు ఉన్నారు.
- రంజాన్‌ పర్వదినాన్ని పురస్కరించుకుని ప్రభుత్వ విప్‌, శేరిలింగంపల్లి ఎమ్మెల్యే అరెకపూడి గాంధీ శనివారం కొండాపూర్‌ డివిజన్‌ కార్పొరేటర్‌ షేక్‌ హమీద్‌ పటేల్‌, చందానగర్‌ డివిజన్‌ పరిధిలోని మైనార్టీ నాయకులు అక్బర్‌ఖాన్‌, మహ్మద్‌ బేగ్‌లను వారి నివాసాల్లో కలిసి పండుగ శుభాకాంక్షలు తెలిపారు.
- మాదాపూర్‌ న్యూ హఫీజ్‌పేట్‌లోని ఈద్గా వద్ద, శేరిలింగంపల్లిలోని సర్వే నంబర్‌ 80లోని దర్గా వద్ద సమాజ ఈదుల్‌ ఫితర్‌ ఈద్గా దర్గా యొక్క ముతవల్లి సజ్జాద నషీన్‌ సుల్తాన్‌ అహ్సన్‌ ఉద్‌ దౌలా సాహెబ్‌ ఆధ్వర్యంలో ఏర్పాటు చేసిన రంజాన్‌ వేడుకల్లో ముస్లింలు పెద్ద ఎత్తున హాజరై ప్రార్థనలు చేశారు.
- మాదాపూర్‌ డివిజన్‌ పరిధిలోని ఆదిత్యానగర్‌ కాలనీలో ఎమ్మెల్యే, విప్‌ అరెకపూడి గాంధీ బీఆర్‌ఎస్‌ పార్టీ నాయకులు అబ్దుల్‌ రహమాన్‌, ముక్తార్‌ల నివాసాలకు మాదాపూర్‌ డివిజన్‌ బీఆర్‌ఎస్‌ అధ్యక్షుడు ఎర్రగుడ్ల శ్రీనివాస్‌ యాదవ్‌తో కలిసి వెళ్లి రంజాన్‌ శుభాకాంక్షలు తెలిపారు.
- మియాపూర్‌ : శేరిలింగంపల్లి నియోజకవర్గ వ్యాప్తంగా ముస్లిం సోదరులు రంజాన్‌ను ఘనంగా జరుపుకున్నారు. ఈద్గాలో వందలాదిగా ముస్లింలు ప్రత్యేక ప్రార్థనలు చేశారు. వివేకానందనగర్‌, హైదర్‌నగర్‌, ఆల్విన్‌ కాలనీ, కూకట్‌పల్లి పార్ట్‌, మియాపూర్‌, చందానగర్‌, హఫీజ్‌పేట్‌, మాదాపూర్‌, కొండాపూర్‌, గచ్చిబౌలి, శేరిలింగంపల్లి డివిజన్‌లలో ఘనంగా జరిగాయి. విప్‌ అరెకపూడి గాంధీ మియాపూర్‌ డివిజన్‌ కార్పొరేటర్‌ ఉప్పలపాటి శ్రీకాంత్‌తో కలిసి బీఆర్‌ఎస్‌ నేత అన్వర్‌ షరీఫ్‌ నివాసానికి వెళ్లి పండుగ శుభాకాంక్షలు తెలిపారు. మియాపూర్‌ డివిజన్‌ కార్పొరేటర్‌ ఉప్పలపాటి శ్రీకాంత్‌ ముస్లింలకు శుభాకాంక్షలు తెలిపారు.
Read Today's Latest Hyderabad News in Telugu and Telugu News
- Follow Us :
-
