కుత్బుల్లాపూర్‌ ప్రజలకు రుణపడి ఉంటా..
కుత్బుల్లాపూర్‌ నియోజకవర్గంలో కులమతాలకు అతీతంగా ప్రజలంతా తనకు ఓటు వేసి గెలిపించారని, వారందరికీ రుణపడి ఉంటా నని ఎమ్మెల్యే కేపీ వివేకానంద్‌ అన్నారు.
- ఎమ్మెల్యే కేపీ వివేకానంద్‌
- నిజాంపేట్‌ కార్పొరేషన్‌ సర్వసభ్య సమావేశానికి హాజరు
కుత్బుల్లాపూర్‌, డిసెంబర్‌17 : కుత్బుల్లాపూర్‌ నియోజకవర్గంలో కులమతాలకు అతీతంగా ప్రజలంతా తనకు ఓటు వేసి గెలిపించారని, వారందరికీ రుణపడి ఉంటా నని ఎమ్మెల్యే కేపీ వివేకానంద్‌ అన్నారు. ఆదివారం జీడిమెట్ల(132) డివిజన్‌ గ్లోరీ టూ జీసస్‌ మినిస్ట్రీస్‌లో నిర్వహించిన సెమీ క్రిస్మస్‌ వేడుకల్లో ఆయన పాల్గొని మాట్లాడారు. కార్యక్రమంలో చర్చ్‌ పాస్టర్‌ ఆంటోనీ, సంఘ పెద్దలు శ్యాంసుందర్‌, మడుపు ప్రశాంతి, పసల జోసెప్‌, డేవిడ్‌, యోనా, కుమార్‌, జోసెప్‌, చందు తదితరులు పాల్గొన్నారు.
- గాజులరామారం డివిజన్‌ రావినారాయణరెడ్డి నగర్‌ ఈస్ట్‌లో శ్రావణ్‌ గురుస్వామి ఆధ్వర్యంలో నిర్వహించిన అయ్యప్పస్వామి మహా పడిపూజలో ఎమ్మెల్యే కేపీ వివేకానంద్‌ పాల్గొని పూజలు చేశారు. కార్యక్రమంలో సోమేశ్‌ గురుస్వామి, మురళీకృష్ణ, నారాయణ, కోటి, సూర్య, లోకేశ్‌, తిరుపతి, మల్లేశ్‌ తదితరులు పాల్గొన్నారు.
- అమీన్‌పూర్‌లోని సూర్యగ్లోబల్‌ స్కూల్‌ క్యాంపస్‌లో నిర్వహించిన సూర్య డెస్పొర్టియా స్పోర్ట్‌ మీట్‌కు ఎమ్మెల్యే కేపీ వివేకానంద్‌ హజరై క్రీడలను ప్రారంభించారు. కార్యక్రమంలో నిజాంపేట్‌ మేయర్‌ కొలన్‌ నీలాగోపాల్‌రెడ్డి, ఆర్‌జీ రావు ఎడ్యుకేషనల్‌ ట్రస్ట్‌ ఫౌండర్‌ బి.దామోదర్‌రావు, పాఠశాల ప్రిన్సిపాల్‌, ట్రస్టీ ఏవీ లక్ష్మీధరిత్రి, తదితరులు పాల్గొన్నారు.
నిజాంపేట్‌ను అభివృద్ధి చేసుకుందాం : ఎమ్మెల్యే వివేకానంద్‌
దుండిగల్‌ : కులమత, ప్రాంతాలకు అతీతంగా నిజాంపేట్‌ మున్సిపల్‌ కార్పొరేషన్‌ను అభివృద్ధి చేసుకుందామని ఎమ్మెల్యే కేపీ వివేకానంద్‌ అన్నారు. నిజాంపేట్‌ మున్సిపల్‌ కార్పొరేషన్‌ సర్వసభ్య సమావేశం ఆదివారం మేయర్‌ కొలన్‌ నీలాగోపాల్‌రెడ్డి అధ్యక్షతన జరిగింది. ఈ సమావేశానికి ఎమ్మెల్యే వివేకానంద్‌ ముఖ్యఅతిథిగా హాజరయ్యారు. ఈ సందర్భంగా కార్పొరేషన్‌ పరిధిలో జరుగుతున్న అభివృద్ధి పనులను సమీక్షించారు. అనంతరం ఎమ్మెల్యే వివేకానంద్‌ మాట్లాడుతూ ఇటీవల జరిగిన సార్వత్రిక ఎన్నికల్లో తనను మూడోసారి గెలిపించిన ప్రజలు, ప్రజాప్రతినిధులు, బీఆర్‌ఎస్‌ శ్రేణులకు కృతజ్ఞతలు తెలిపారు. కార్పొరేషన్‌ పరిధిలో పెండింగ్‌లో ఉన్న పనులను త్వరితగతిన పూర్తి చేయాలని అధికారులకు సూచించారు. సమావేశంలో నిజాంపేట్‌ కార్పొరేషన్‌ మున్సిపల్‌ కమిషనర్‌ రామకృష్ణారావు, డిప్యూటీ మేయర్‌ ధన్‌రాజు యాదవ్‌, పాలకవర్గం సభ్యులు పాల్గొన్నారు.
Read Today's Latest Hyderabad News in Telugu and Telugu News
- Follow Us :
-
