Visit:
సిటీ జోన్‌ బృందం, నవంబర్‌ 29 : స్వరాష్ట్ర సాధనలో నూతన అధ్యాయాన్ని లిఖించిన రోజు.. కేసీఆర్‌ ఆమరణ నిరాహార దీక్షకు శ్రీకారం చుట్టిన నవంబర్‌ 29 దీక్షా దివస్‌ను శనివారం నగరవ్యాప్తంగా బీఆర్‌ఎస్‌ శ్రేణులు, అభిమానులు ఘనంగా నిర్వహించారు.
స్వరాష్ట్ర సాధన కోసం కేసీఆర్‌ చేసిన అసమాన పోరాటాన్ని గుర్తు చేసుకుంటూ బైక్‌ ర్యాలీలు, పండ్ల పంపిణీ, వైద్య శిబిరాలు, అన్నదాన కార్యక్రమాలు వంటివి చేపట్టారు. తెలంగాణ భవన్‌లో నిర్వహించిన వేడుకలకు కేటీఆర్‌ సహా బీఆర్‌ఎస్‌ అగ్రనేతలు హాజరై దీక్షా దివస్‌ ప్రాముఖ్యతను వివరించారు.
