హైదరాబాద్‌ పాతబస్తీలో కలకలం.. మదర్సాలో 11 ఏళ్ల బాలుడిపై లైంగిక వేధింపులు

హైదరాబాద్‌ పాతబస్తీలోని ఓ మదర్సాలో 11 ఏళ్ల బాలుడిపై లైంగిక వేధింపులు వెలుగులోకి వచ్చాయి. మదన్నపేట పోలీస్‌ స్టేషన్‌ పరిధిలోని కుర్మగూడ ఫాతిమా మసీదు మదర్సాలో ఈ ఘటన జరిగినట్లు బాలుడి తల్లి పోలీసులకు ఫిర్యాదు చేసింది.

హైదరాబాద్‌: పాతబస్తీలోని ఓ మదర్సాలో 11 ఏళ్ల బాలుడిపై లైంగిక వేధింపులు వెలుగులోకి వచ్చాయి. మదన్నపేట పోలీస్‌ స్టేషన్‌ పరిధిలోని కుర్మగూడ ఫాతిమా మసీదు మదర్సాలో ఈ ఘటన జరిగినట్లు బాలుడి తల్లి పోలీసులకు ఫిర్యాదు చేసింది.

మదర్సాలో మౌల్ సాబ్‌గా పనిచేస్తున్న వ్యక్తి తన కుమారుడి పట్ల అసభ్యంగా ప్రవర్తించినట్లు తల్లి ఫిర్యాదులో పేర్కొంది. మొబైల్‌ ఫోన్‌లో అశ్లీల వీడియోలు చూపించి బాలుడిపై లైంగిక వేధింపులకు పాల్పడినట్లు తెలిపింది. అంతేకాకుండా ఈ విషయం ఎవరికీ చెప్పవద్దంటూ బాలుడిని మౌల్‌ సాబ్ హెచ్చరించినట్లు ఫిర్యాదులో తెలిపింది.

ఫిర్యాదు స్వీకరించిన మదన్నపేట పోలీసులు నిందితుడిపై భారతీయ న్యాయ సంహిత (BNS), పోక్సో చట్టం-2012 కింద కేసు నమోదు చేశారు. BNS సెక్షన్లు 127(2), 351(2), పోక్సో చట్టంలోని సెక్షన్లు 8, 10 కింద కేసు నమోదు చేశారు.