ఘట్కేసర్రూరల్, అక్టోబర్ 17: రైతు సంక్షేమానికి ముఖ్యమంత్రి కేసీఆర్ పెద్ద పీట వేస్తున్నట్లు మండల రైతు బంధు అధ్యక్షుడు కొంతం అంజిరెడ్డి తెలిపారు. మండల పరిధి ప్రతాపసింగారం లోని రైతు వేదిక భవనంలో మండల రైతులతో సోమవారం సమిక్ష సమావేశం జరిగింది. ఈ సందర్భంగా అంజిరెడ్డి మాట్లాడుతు మండలంలోని 19 గ్రామాలకు చెందిన 5490 మంది రైతులకు గాను రూ. 5 కోట్ల 65 లక్షల 91 వేల 425 లను రైతు బంధు కింద ప్రభుత్వం చెల్లించినట్లు తెలిపారు. 2018 నుండి ఇప్పటి వరకు 48 మంది రైతులు మృతి చెందగా వారికి రూ. 2 కోట్ల 40 లక్షలు చెల్లించినట్లు చెప్పారు.
దేశంలో ఎక్కడా లేని విధంగా రైతులను ఆదుకుంటున్నది తెలంగాణ ప్రభుత్వమేనని చెప్పారు. తాగునీరు, సాగు నీరు అందించేందుకు ప్రత్యేక చర్యలు తీసుకుని సరిపడా అందిస్తున్నట్లు పేర్కొన్నారు. రైతులకు 24 గంట లు నాణ్యత కలిగిన విద్యుత్ను అందించటంతో పాటు వారు పండించిన ప్రతి గింజను కొనేందుకు రాష్ట్ర ప్రభుత్వం సిద్ధ్దంగా ఉన్నట్లు చెప్పారు. కేంద్ర ప్రభుత్వం రైతుల నుంచి ధాన్యం కొనుగోలుకు నిరాకరించినా సీఎం కేసీఆర్ రైతులకు అండగా నిలిచాడని పేర్కొన్నారు. కార్యక్రమంలో మండల వ్యవసాయాధికారి బాసిత్, మండల రైతు బంధు సభ్యులు మంకయ్య, సుభాశ్రెడ్డి, యాదగిరి, సత్యనారాయణ రెడ్డి, బుచ్చిరెడ్డి, బాలరాజు, బాలరెడ్డి, కిష్టయ్య, ఏఈవోలు సురేశ్రెడ్డి, జగదీశ్ పాల్గొన్నారు.