కాలనీల్లో శునకాల కోసం ఫీడింగ్‌ సెంటర్లు.. నీటి తొట్టెలు
జీహెచ్‌ఎంసీ పరిధిలో కుక్కల బెడదను నియంత్రించడం,కుక్క కాటు సంఘటనలను పునరావతృతం కాకుండా నిరోధించడమే లక్ష్యంగా జీహెచ్‌ఎంసీ పటిష్ట చర్యలు చేపడుతున్నది. మేయర్‌ అధ్యక్షత ఏర్పాటైన హై లెవెల్‌ కమిటీ సిఫార్సు మేరకు యానిమల్‌ వెల్ఫేర్‌ బోర్డు మార్గ దర్శకాలను అనుసరించి కీలక నిర్ణయాలను అమలు చేస్తున్నది.
- రోజువారి స్టెరిలైజేషన్‌ సంఖ్యపెంపు
- మరో 8 మంది ప్రైవేట్‌ పశువైద్యుల నియామకం
- ఆకలి, దాహం తీర్చేలా ఏర్పాట్లు.. కాటేదాన్‌, నల్లగండ్లలో సంరక్షణ కేంద్రాలు
- రాత్రి వేళల్లో 60 డాగ్‌ క్యాచర్‌లు
- డాగ్‌ క్యాచింగ్‌ స్వాడ్‌ పేరును ‘జీహెచ్‌ఎంసీ డాగ్‌ బర్త్‌ కంట్రోల్‌ యూనిట్‌గా మార్పు
- పక్కాగా యానిమల్‌ వెల్ఫేర్‌ బోర్డు మార్గదర్శకాలు అమలు
- వీధి కుక్కల నియంత్రణలో కీలక నిర్ణయాలు తీసుకున్న మేయర్‌, కమిషనర్‌
సిటీబ్యూరో, ఏప్రిల్‌ 26 (నమస్తే తెలంగాణ) : జీహెచ్‌ఎంసీ పరిధిలో కుక్కల బెడదను నియంత్రించడం,కుక్క కాటు సంఘటనలను పునరావతృతం కాకుండా నిరోధించడమే లక్ష్యంగా జీహెచ్‌ఎంసీ పటిష్ట చర్యలు చేపడుతున్నది. మేయర్‌ అధ్యక్షత ఏర్పాటైన హై లెవెల్‌ కమిటీ సిఫార్సు మేరకు యానిమల్‌ వెల్ఫేర్‌ బోర్డు మార్గ దర్శకాలను అనుసరించి కీలక నిర్ణయాలను అమలు చేస్తున్నది. ప్రస్తుతం జంతు సంరక్షణ కేంద్రాలు ఫతుల్లాగూడ, చుడీబజార్‌, పటేల్‌ నగర్‌, కేపీహెచ్‌బీ, మహదేవ్‌పూర్‌లో ఉండగా..అదనంగా కాటేదాన్‌, నల్లగండ్లలో జంతు సంరక్షణ కేంద్రాన్ని ఏర్పాటు చేస్తున్నారు. అంతేకాకుండా ప్రస్తుతం చుడీబజార్‌లో ఉన్న జంతు సంరక్షణ కేంద్రం ప్రాంగణంలో అదనంగా 850 ఫీట్లు గల షెడ్‌ ఏర్పాటు చేశారు. ఇక్కడ 20 బోనుల ఏర్పాటు చేయడంతో 80 కుక్కలను వారం రోజులు ఉండేలా చర్యలు చేపడుతున్నారు. ఇక కాటేదాన్‌లో జంతు సంరక్షణ కేంద్రం మరో వారం రోజుల్లో అందుబాటులోకి రానున్నది. వీటితో పాటు నల్లగండ్లలో మరో పశుసంరక్షణ కేంద్ర నిర్మాణ పనులు ఫ్రీకాస్ట్‌ పద్ధతిలో శరవేగంగా జరుగుతున్నాయని, వచ్చే నెలలో అందుబాటులోకి తీసుకువస్తామని అధికారులు తెలిపారు.
ప్రతి కాలనీల్లో ఫీడింగ్‌ సెంటర్లు, నీటి తొట్లు ఏర్పాటు
యానిమల్‌ వెల్ఫేర్‌ బోర్డు ఆఫ్‌ ఇండియా గైడ్‌లైన్స్‌ ప్రకారం ఫీడింగ్‌ సెంటర్లతో పాటు నీటి తొట్లను ఏర్పాటు చేశారు. గ్రేటర్‌ పరిధిలోని ప్రతి కాలనీల్లో వీటిని ఏర్పాటు చేయాలని నిర్ణయించి విడతల వారీగా ఏర్పాటు చేస్తున్నారు. జీహెచ్‌ఎంసీ, ఏడబ్ల్యూఓఎస్‌, వలంటీర్ల సహాయంతోప్రజాప్రతినిధుల సహకారంతో వేసవిలో వీధి కుక్కల కోసం నీటి కొలను ఏర్పాటుకు చర్యలు తీసుకోగా ఇప్పటివరకు 2453 నీటి కొలనులను (గుంతలు) ఏర్పాటు చేశారు. తద్వారా ఆయా కాలనీలో ఉండే కుక్కలు అక్కడే తిని ఉంటాయని, దీని ద్వారా వాటి గొడవ కాకుండా జనంపై దాడులు చేయకుండా ఉంటాయని అధికారులు చెబుతున్నారు.
వీధి కుక్కల నియంత్రణలో కీలక అంశాలివే
- స్టెరిలైజేషన్‌లను పెంచడానికి అదనంగా 8 మంది ప్రైవేట్‌ పశు వైద్యులను నియమించనున్నారు.
- ప్రస్తుతం ఉన్న 30 కుకలను పట్టుకునే వాహనాల సంఖ్యను 20కి పెంచి అందుకు అనుగుణంగా సిబ్బంది నియామకం. 60 డాగ్‌ క్యాచర్‌లు గరిష్ఠ సంఖ్యలో వీధి కుక్కలను స్టెరిలైజ్‌ చేయడానికి రాత్రి షిఫ్టులలో పని చేసేందుకు చర్యలు చేపట్టనున్నారు.
- ఎన్జీవోలు, ఏడబ్ల్యూఓలు,/వలంటీర్లు, జంతు సంరక్షణ కార్యకర్తలు, స్థానిక ప్రజాప్రతినిధులు, రెసిడెంట్‌ వెల్ఫేర్‌ అసోసియేషన్‌లు, స్లమ్‌ లెవెల్‌ ఫెడరేషన్‌లతో పాటుగా పాఠశాల పిల్లలకు వీధి కుకల ప్రవర్తన వీధి కుకలతో ఉండాల్సిన
జాగ్రత్తలపై అవగాహన కల్పించనున్నారు. 1111 రెసిడెన్షియల్‌ వెల్ఫేర్‌ అసోసియేషన్‌, స్లమ్‌ లెవెల్‌ ఫెడరేషన్‌లకు, 1066 పాఠశాలలో 2,28,614 మంది విద్యార్థులకు ఇప్పటికే అవగాహన కల్పించారు. - షార్ట్‌ ఫిల్మ్‌ వీడియో కాంటెస్ట్‌, ఫిల్మ్‌ యాడ్స్‌, టీవీలలో సె్లైడ్‌ షోలు థియేటర్లలో సినిమా ప్రదర్శనకు ముందు అవగాహన కల్పించేందుకు చర్యలు.
- ఫీపుల్‌ ఫర్‌ యానిమల్స్‌, బ్లూక్రాస్‌ ఆఫ్‌ హైదరాబాద్‌ స్వచ్ఛంద సంస్థల ఆధ్వర్యంలో స్టెరిలైజేషన్‌ను పెంచేందుకు ఒప్పించడం.. పీపుల్‌ ఫర్‌ యానిమల్స్‌ ఆధ్వర్యంలో వీధి కుకల స్టెరిలైజేషన్‌ ను రోజుకు 15 నుంచి 40కి పెంచారు.
- హైదరాబాద్‌ కు చెందిన బ్లూ క్రాస్‌ ఆధ్వర్యంలో రాజేంద్రనగర్‌ సరిల్‌లో ఇటీవల రోజుకు 20 చొప్పున వీధి కుక్కల స్టెరిలైజేషన్‌ను ప్రారంభం.
- మాంసాహార విక్రయ కేంద్రాలు, వ్యాపారులు చెత్తను, వ్యర్థాలను, వీధిలో గానీ బహిరంగ ప్రదేశాల్లో వేయకుండా వాణిజ్య వ్యర్థాలను సురక్షితంగా పారవేయడం కోసం ఆమోదించబడిన ఏజెన్సీకి అప్పగించాలని హైలెవల్‌ కమిటీ ఆదేశించింది.
లేని పక్షంలో చట్ట రీత్యా చర్యలు తప్పవని 4001 షాపులకు హోటళ్లకు నోటీసులు జారీ చేశారు. - జీహెచ్‌ఎంసీ, ఇతర మున్సిపాలిటీల్లో గల వీధి కుకలకు స్టెరిలైజేషన్‌ చేయాలని మున్సిపల్‌, పట్టణాభివృద్ధి శాఖ ప్రత్యేక ప్రధాన కార్యదర్శి ఆదేశించగా 14 పరిసర మున్సిపాలిటీలు యానిమల్‌ వెల్ఫేర్‌ అసోసియేషన్‌ల సహాయంతో
జనన నియంత్రణ, యాంటీ రేబిస్‌ కార్యక్రమాలు ప్రారంభం. - ప్రస్తుతం ఉన్న జోనల్‌ స్థాయి ఏబీసీ మానిటరింగ్‌ కమిటీల్లో ప్రజాప్రతినిధులను చేర్చుకొని, రేబిస్‌ లక్షణాలు ఉన్న అనుమానిత కుకలను పరీక్షించేందుకు ఏర్పాట్లు చేయాలని జోనల్‌ కమిషనర్‌లకు ఆదేశాలు జారీ.
- పశువైద్యాధికారులుకుక్కల పెంపకం సంస్థలను, పెట్‌ షాపులను తనిఖీ చేసి, తప్పు చేసిన పెంపకందారులు, పెట్‌ షాప్‌ యజమానులపై విచారణ చేసి చట్ట ప్రకారం జరిమానాలు విధించి చర్యలు తీసుకోవాలని క్షేత్ర స్థాయి పశువైద్య అధికారులకు ఆదేశాలు.
- వీధి కుకల దత్తత డ్రైవ్‌ లను స్థానిక ప్రజా ప్రతినిధులు యానిమల్‌ వెల్ఫేర్‌ అసోసియేషన్‌ స్వచ్ఛంద సంస్థ పెద్ద ఎత్తున చేపట్టేందుకు క్షేత్రస్థాయి అధికారులు ఆదేశాలు జారీ చేశారు.
- కుక్కల బెడదను తగ్గించడానికి స్వచ్ఛంద సేవకులు, వలంటీర్లు, స్థానిక ప్రజా ప్రతినిధులకు వారి ప్రాంతాల్లో డాగ్‌ స్వాడ్‌ ల సమాచారాన్ని తెలియ జేయడం, తద్వారా వారు తమ ప్రాంతాల్లో 100% స్టెరిలైజేషన్‌ కోసం వీధి కుకలను
పట్టుకోవడం సాధ్యమవుతుందని అధికారులు తెలిపారు. - ‘డాగ్‌ క్యాచింగ్‌ స్వాడ్‌’ ఉన్న పేరును ఇక నుంచి ‘జీహెచ్‌ఎంసీ డాగ్‌ బర్త్‌ కంట్రోల్‌ యూనిట్‌’గా మార్పు. ఈ వాహనం పై అవగాహన కోసం స్టెరిలైజ్‌ చేసిన కుక (చెవి కట్‌) ఫొటోలను ప్రదర్శించారు.
- జీహెచ్‌ఎంసీ పరిధిలో పదికి తగ్గకుండా ఫీడింగ్‌ స్పాట్‌ లను గుర్తించి, యానిమల్‌ వెల్ఫేర్‌ బోర్డు అఫ్‌ ఇండియా నిబంధనల ప్రకారం స్థానిక కుకలకు ఆహారం, వాటి సంక్షేమం కోసం శ్రద్ధ వహించడానికి ప్రతి కాలనీలోని కమ్యూనిటీ జంతు సంరక్షకులను ప్రోత్సహించాలని వెటర్నరీ డిప్యూటీ డైరెక్టర్‌ లకు ఆదేశాలు జారీ.
- బారాస్‌, జంగమెట్‌ ఇతర ప్రాంతాల ప్రభుత్వ, ఏరియా దవాఖానల్లో ప్రాథమిక ఆరోగ్య కేంద్రాల్లో కుకకాటు బాధితులకు పోస్ట్‌ఎక్స్‌ పోజర్‌ ప్రొఫిలాక్సిస్‌ లే, యాంటీ రేబీస్‌ వ్యాక్సిన్‌ రేబిస్‌ ఇమ్యునోగ్లోబులిన్‌ లను అందుబాటులో తేవడానికి జీహెచ్‌ఎంసీ చర్యలు.
- జీహెచ్‌ఎంసీ అభ్యర్థన మేరకు, తెలంగాణ రాష్ట్ర పశువైద్య, పశుసంవర్ధక శాఖ డైరెక్టర్‌ మహదేవ్‌పూర్‌లోని జీహెచ్‌ఎంసీ జంతు సంరక్షణ కేంద్రాన్ని తనిఖీ చేశారు. జంతు సంరక్షణ కేంద్రంలో అందుబాటులో ఉన్న ఆపరేషన్‌ థియేటర్‌, సౌకర్యాలపై సంతృప్తి చెందారు.
- అధిక సంఖ్యలో స్టెరిలైజేషన్‌ చేయని వీధి కుకలను పట్టుకునేందుకు రోజూ రాత్రి షిఫ్టులో కుకలను పట్టుకునే వాహనాలను నడపాలని జీహెచ్‌ ఎంసీ కమిషనర్‌ డిప్యూటీ, అసిస్టెంట్‌ డైరెక్టర్‌ (వెటర్నరీ)లను ఆదేశించారు.
- జీహెచ్‌ఎంసీ పరిధిలో చెత్తను సక్రమంగా పారవేసేలా.. కుకలు గుమిగూడకుండా ఫంక్షన్‌ హాళ్లు, హోటళ్ల నుంచి మాంసాహార ఆహార వ్యర్థాలను ఎత్తివేసేందుకు ప్రత్యేక వాహనం ఏర్పాటుకు అడిషనల్‌ కమిషనర్‌ శానిటేషన్‌కు ఆదేశాలు జారీ చేశారు.
- కుక్కల బెడదను సమర్థవంతంగా నియంత్రించడానికి, కుక్క కాటు సంఘటనలను నివారించడానికి ఉన్నత స్థాయి కమిటీ అన్ని సిఫార్సులను అమలు చేయాలని నిర్ణయించారు.
Read Today's Latest Hyderabad News in Telugu and Telugu News
- Follow Us :
-
