Fire Accident | మణికొండలోని అపార్టుమెంటులో భారీ అగ్నిప్రమాదం.. వీడియో

హైదరాబాద్‌ మణికొండలోని పుప్పాలగూడలో భారీ అగ్నిప్రమాదం (Fire Accident) జరిగింది. గోల్డెన్‌ ఒరియల్‌ అపార్టుమెంటులో ఉన్న ఓ ఫ్లాట్‌లో షార్ట్‌సర్క్యూట్‌తో ఒక్కసారిగా మంటలు చెలరేగాయి. గ్యాస్‌ సిలిండర్‌ పేలడంతో ప్రమాద తీవ్రత మరింత పెరిగింది.

మణికొండ: హైదరాబాద్‌ మణికొండలోని పుప్పాలగూడలో భారీ అగ్నిప్రమాదం (Fire Accident) జరిగింది. గోల్డెన్‌ ఒరియల్‌ అపార్టుమెంటులో ఉన్న ఓ ఫ్లాట్‌లో షార్ట్‌సర్క్యూట్‌తో ఒక్కసారిగా మంటలు చెలరేగాయి. గ్యాస్‌ సిలిండర్‌ పేలడంతో ప్రమాద తీవ్రత మరింత పెరిగింది. మంటలు భారీగా ఎగసిపడటంతో భయాందోళనలకు గురైన ఫ్లాట్‌లో ఉంటున్న ఐదుగురు కుటుంబ సభ్యులతోపాటు అపార్టుమెంటు వాసులు బయటకు పరుగులు తీశారు. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకున్నారు. మూడు ఫైర్‌ఇంజిన్లతో మంటలను అదుపుచేశారు.

అయితే అప్పటికే ఫ్లాట్‌ పూర్తిగా దగ్ధమైంది. డబ్బులు, బట్టలు, విలువైన సామాగ్రి కాలి బూడిదయ్యాయి. సుమారు రూ.50 లక్షల ఆస్తి నష్టం సంభించినట్లు బాధితులు వాపోయారు. కాగా, ఫైర్‌ ఇంజిన్‌ పోవడానికి దారి లేకపోవడంతో గంట పాటు అగ్నిమాపక సిబ్బంది శ్రమించాల్సి వచ్చింది. ఈ ఘటనపై కేసు నమోదుచేసిన పోలీసులు దర్యాప్తు చేస్తున్నారు.