మరణించినా.. జీవించాడు

తాను మరణించినా.. నలుగురికి అవయవదానం చేసి జీవించాడు. రామగుండం పరశురాంనగర్‌కు చెందిన బందెల ఐలయ్య (46) ప్రైవేట్‌ ఉద్యోగి. ఆయనకు భార్య, కుమార్తె, కుమారుడు ఉన్నారు.

ఖైరతాబాద్‌, మే 23 : తాను మరణించినా.. నలుగురికి అవయవదానం చేసి జీవించాడు. రామగుండం పరశురాంనగర్‌కు చెందిన బందెల ఐలయ్య (46) ప్రైవేట్‌ ఉద్యోగి. ఆయనకు భార్య, కుమార్తె, కుమారుడు ఉన్నారు. ఈ నెల 19న ఇంట్లో అపస్మారక స్థితిలో పడిపోయాడు. కుటుంబ సభ్యులు స్థానిక దవాఖానలో చేర్పించినా ఫలితం లేకపోవడంతో మెరుగైన చికిత్స కోసం సికింద్రాబాద్‌లోని కిమ్స్‌ ఆస్పత్రిలో చేర్పించారు. చికిత్స అందిస్తున్న వైద్యులు బుధవారం బ్రెయిన్‌ డెడ్‌కు గురైనట్లు నిర్ధారించారు. కుటుంబ సభ్యులను కలిసిన జీవన్‌దాన్‌ ప్రతినిధులు అవయవదానం విశిష్టతను వివరించగా.. కుటుంబ సభ్యులు అంగీకరించారు. కాలేయం, ఊపిరితిత్తులు, మూత్రపిండాలను సేకరించారు.