విద్యుత్‌ వినియోగంలో నిబంధన లివి

గుల్జార్‌హౌస్‌ వద్ద అగ్నిప్రమాదం ఘటన నేపథ్యంలో విద్యుత్‌ భద్రతానిబంధనలను కఠినంగా పాటించాలంటూ చీఫ్‌ ఎలక్ట్రికల్‌ ఇన్‌స్పెక్టరేట్‌ ప్రజలకు సూచించింది. హాస్పిటల్స్‌, మల్టీస్టోర్డ్‌ బిల్డింగ్స్‌, బహుళ అంతస్తుల అపార్ట్‌మెంట్లు, కమర్షియల్‌ కాంప్లెక్సులు, సినిమాహాళ్లు, హోటల్స్‌, ఇతర ప్రజా సౌకర్యాలకు ఈ నిబంధనలు వర్తిస్తాయని వెల్లడించింది.

• సీఈఐజీ మార్గదర్శకాలు

సిటీబ్యూరో, మే 21 (నమస్తే తెలంగాణ): గుల్జార్‌హౌస్‌ వద్ద అగ్నిప్రమాదం ఘటన నేపథ్యంలో విద్యుత్‌ భద్రతానిబంధనలను కఠినంగా పాటించాలంటూ చీఫ్‌ ఎలక్ట్రికల్‌ ఇన్‌స్పెక్టరేట్‌ ప్రజలకు సూచించింది. హాస్పిటల్స్‌, మల్టీస్టోర్డ్‌ బిల్డింగ్స్‌, బహుళ అంతస్తుల అపార్ట్‌మెంట్లు, కమర్షియల్‌ కాంప్లెక్సులు, సినిమాహాళ్లు, హోటల్స్‌, ఇతర ప్రజా సౌకర్యాలకు ఈ నిబంధనలు వర్తిస్తాయని వెల్లడించింది. విద్యుత్‌ సురక్షిత వినియోగం కోసం విద్యుత్‌ చట్టం 2003, నియమనిబంధనలు, అదనపు మార్గదర్శకాలను అనుసరించాలని తెలిపింది. ఆయా సంస్థల నిర్వాహకులు ఎలక్ట్రికల్‌ ఇన్‌స్పెక్టర్లు, డిప్యూటీ ఎలక్ట్రికల్‌ ఇన్‌స్పెక్టర్లు ఇచ్చిన సూచనలను కచ్చితంగా పాటించాలని లేనట్లయితే విద్యుత్‌ చట్టం 2003 ప్రకారం కఠిన చర్యలు తీసుకుంటామని హెచ్చరించింది.

సీఈఐజీ (చీఫ్‌ ఎలక్ట్రికల్‌ ఇన్‌స్పెక్టర్‌ టు గవర్నమెంట్‌) మార్గదర్శకాలివే..!

• లైటింగ్‌ సర్క్యూట్‌లకు 30ఎంఏ ఈఎల్‌సీబీ/ఆర్‌సీసీబీ, పవర్‌సర్క్యూట్‌లకు 100 ఎంఏ ఈఎల్‌సీబీ అమర్చాలి.
• విద్యుత్‌ వైరింగ్‌, ఇన్‌స్టాలేషన్లు సెంట్రల్‌ ఎలక్ట్రిసిటీ అథారిటీ రెగ్యులేషన్స్‌ 2023, నేషనల్‌ ఎలక్ట్రికల్‌ కోడ్‌ ఆఫ్‌ ఇండియా 2023, నేషనల్‌ బిల్డింగ్‌ కోడ్‌ ఆఫ్‌ ఇండియా 2016, మిగతా ఐఎస్‌, ఐఈసీ ప్రమాణాలకు లోబడి ఉండాలి.
• విద్యుత్‌ వినియోగానికి తగినట్లు సరైన సామర్థ్యం కలిగిన కేబుల్స్‌ అంటే లైటింగ్‌కు 1.5 స్కేర్‌ మిల్లీమీటర్‌, పవర్‌పాయింట్లకు 2.5 స్కేర్‌ మిల్లీమీటర్లు, ఏసీ యూనిట్లకు 4స్కేర్‌ మిల్లీమీటర్లు .. ఇలా వినియోగాన్ని బట్టి లోడ్‌కు తగ్గట్లుగా కేబుల్స్‌ వాడాలి. దీనివల్ల అధికంగా వేడి కావడం, ఎలక్ట్రికల్‌ వైఫల్యాలను నివారించవచ్చు.
• ఎలక్ట్రికల్‌ వర్క్‌ లైసెన్స్‌డ్‌ ఎలక్ట్రికల్‌ కాంట్రాక్టర్స్‌, అనుమతి కలిగినవారితో, నైపుణ్యం కలిగిన వైర్‌మెన్ల ద్వారా చేయించాలి.
• వోల్టేజీ హెచ్చుతగ్గులున్న ప్రాంతాల్లో స్టెబిలైజర్లను ఉపయోగించాలి.