Grand Nursery Mela | మొక్కల పెంపకంతో పర్యావరణహితం….ఆరోగ్యం….రాష్ట్ర వైద్య ఆరోగ్య, ఆర్థిక శాఖ మంత్రి హరీశ్‌ రావు

పర్యావరణహితం...ఆరోగ్యానికి మొక్కల పెంపకం ఎంతో దోహదపడుతుందని రాష్ట్ర వైద్య ఆరోగ్య, ఆర్థిక శాఖ మంత్రి తన్నీరు హరీశ్‌ రావు అన్నారు.

ఖైరతాబాద్ :  పర్యావరణహితం…ఆరోగ్యానికి మొక్కల పెంపకం ఎంతో దోహదపడుతుందని రాష్ట్ర వైద్య ఆరోగ్య, ఆర్థిక శాఖ మంత్రి తన్నీరు హరీశ్‌ రావు అన్నారు. తెలంగాణ ఈవెంట్‌ ఆర్గనైజర్‌ ఆధ్వర్యంలో పీవీ నరసింహారావు మార్గ్ లోని పీపుల్స్​‍ప్లాజాలో గురువారం ఏర్పాటు చేసిన 11వ గ్రాండ్‌ నర్సరీ మేళాను మంత్రి హరీశ్‌ రావు ప్రారంభించారు.

ఈ సందర్భంగా పలు స్టాళ్లను పరిశీలించి పుష్పాలు, పండ్లు, ఇండోర్‌, ఔట్‌డోర్‌, అరుదైన మొక్కల జాతులను పరిశీలించి, వాటి ప్రాధాన్యతలను అడిగి తెలుసుకున్నారు. అనంతరం మీడియాతో మాట్లాడుతూ జంట నగరాలు కాంక్రీట్ జంగీల్‌గా మారిన తరుణంలో ఇలాంటి మేళాలు మానువుడిని ప్రకృతివైపు నడిపిస్తాయ‌న్నారు .

ఉదయాన్నే లేచి కిచెన్‌, రూఫ్‌ గార్డెనింగ్‌లు చేయడం వల్ల శరీరానికి నూతనోత్సాహాన్ని, ఆనందాన్ని అందిస్తుందన్నారు. కొంత మంది కిచెన్‌ గార్డెను వారి ఇంటి పరిసరాల్లోనే ఏర్పాటు చేసుకొని కుటుంబానికి కావాల్సిన కూరగాయలను, ఆకూకూరలను సేంద్రీ య పద్దతుల్లో పండించుకుంటున్నారని అన్నారు. అలాంటి వారికి ఈ మెగా నర్సరీ మేళా ఎంతగానో ఉపయోగపడుతుందన్నారు.

దేశ వ్యాప్తంగా ఉండే వందలాది నర్సరీలకు సంబంధించిన వారు ఈ మేళాలో పాలుపంచుకోవడం శుభపరిణామమని, ఈ మెగా నర్సరీ మేళాలో నగర ప్రజలు తమ కావాల్సిన మొక్కలన్నింటిని ఇక్కడే తీసుకోవచ్చన్నారు. నిర్వహకుడు ఖలీద్‌ అహ్మద్‌ మాట్లాడుతూ గత పదకొండు సంవత్సరాలుగా నిరాటంకంగా గ్రాండ్‌ నర్సరీ మేళా నిర్వహిస్తున్నామని, ఈ ఏడాది 121 స్టాల్స్​‍ పెట్టామని, హర్యానా, హిమాచల్‌ప్రదేశ్‌, కశ్మీర్‌ నుంచి స్టాల్స్​‍ ఏర్పాటు చేశామన్నారు.

పూలతో పాటు ఇండోర్‌, ఔట్‌డోర్‌, కాక్టస్, సక్యూలెంట్స్​‍, అడేనియం, రేర్‌ ప్లాంట్స్​‍ అందుబాటులో ఉన్నాయన్నారు. ఆర్గానిక్‌ ఫర్టిలైజర్స్​‍, ఇతర వ్యవసాయ, తోటల ఉత్పత్తులు, పరికరాలు లభిస్తాయన్నారు.ఈ నెల 28 వరకు ఉదయం 9 నుంచి రాత్రి 9గంటల వరకు ప్రదర్శన కొనసాగుతుందన్నారు.