Hyderabad | సీఎం ఇంటికి కూతవేటు దూరంలో చైన్‌ స్నాచింగ్‌

Hyderabad | యువకుడితో పాటు యాక్టివామీద వచ్చిన ఓ యువతి.. ఎదురుగా రోడ్డుమీద నడుచుకుంటూ వస్తున్న మహిళ మెడలోంచి సినీ ఫక్కీలో చైన్‌ స్నాచింగ్‌ చేసిన ఘటన జూబ్లీహిల్స్‌ పీఎస్‌ పరిధిలో చోటుచేసుకుంది.

Hyderabad | బంజారాహిల్స్‌, ఫిబ్రవరి 17: యువకుడితో పాటు యాక్టివామీద వచ్చిన ఓ యువతి.. ఎదురుగా రోడ్డుమీద నడుచుకుంటూ వస్తున్న మహిళ మెడలోంచి సినీ ఫక్కీలో చైన్‌ స్నాచింగ్‌ చేసిన ఘటన జూబ్లీహిల్స్‌ పీఎస్‌ పరిధిలో చోటుచేసుకుంది. వివరాలు.. మాదాపూర్‌లోని హాస్టల్‌లో నివాసం ఉంటున్న కడపల మానస (27).. జూబ్లీహిల్స్‌ రోడ్‌ నంబర్‌ 39లోని ఓ సంస్థలో సాఫ్ట్‌వేర్‌ ఇంజినీర్‌గా పనిచేస్తోంది.

మంగళవారం ఉదయం 9.45 ప్రాంతంలో హాస్టల్‌ నుంచి ఆఫీసుకు బయలుదేరిన మానస రోడ్డుమీద నడుచుకుంటూ వెళ్తోంది. జూబ్లీహిల్స్‌ రోడ్‌ నం 44లోని ఆర్‌టీవీ చానెల్‌ సమీపంలోకి రాగానే ఎదురుగా యాక్టివా బైక్‌పై వచ్చిన యువకుడు బండిని అకస్మాత్తుగా ఆపగా.. వెనుక సీట్లో ఉన్న యువతి.. మానస మెడలోంచి బంగారు గొలుసు లాక్కొని పరారయ్యారు. బాధితురాలి ఫిర్యాదుమేరకు జూబ్లీహిల్స్‌ పోలీసులు ఘటనా స్థలంలోని సీసీ ఫుటేజీని సేకరిస్తున్నారు.ఈ ఘటన సీఎం రేవంత్‌ నివాసానికి కూతవేటు దూరంలో చోటుచేసుకోవడం కొసమెరుపు.