సిటీబ్యూరో, ఆగస్టు 26 (నమస్తే తెలంగాణ): మహానగరానికి మణిహారంలా మారిన ఔటర్ రింగు రోడ్డు వెంట మరో ప్రత్యేక ఆకర్షణ అందుబాటులోకి రానుంది. సర్వీసు రహదారి వెంట పైన సోలార్ రూఫ్టాప్..కింద సైకిల్ ట్రాక్ నిర్మించే పనులు వేగవంత మయ్యాయి.
ప్రస్తుతం నానక్రాంగూడ నుంచి తెలంగాణ పోలీస్ అకాడమీ వరకు 8 కి.మీ, నార్సింగి నుంచి కొల్లూరు వరకు మరో 13 కి.మీ పొడవునా సర్వీసు రోడ్లను విస్తరిస్తున్నారు. దీంతోపాటే సైకిల్ట్రాక్, సోలార్ రూఫ్టాప్ను ఏర్పాటు చేస్తున్నారు. ప్రయోగాత్మకంగా కోకాపేట వద్ద కొంతదూరం సైకిల్ట్రాక్, సోలార్ రూఫ్టాప్ నిర్మించారు. డిసెంబర్ కల్లా 21 కి.మీ. లక్ష్యం పూర్తికానుందని హెచ్ఎండీఏ అధికారులు తెలిపారు.