Cyber Crime | సైబర్ నేరం జరిగిందా.. అయితే వెంటనే 1930కు కాల్ చేయండి
సైబర్ నేరం జరిగిందా.. వెంటనే 1930కు కాల్ చేయండి.. ఈ కాల్ సెంటర్ 24/7 అందుబాటులో ఉంటుందని పోలీసు అధికారులు పేర్కొన్నారు. ప్రతినిత్యం రాష్ట్ర వ్యాప్తంగా వందలాది సైబర్నేరాలు జరుగుతున్నాయి. బాధితులు సైబర్క్రైమ్ కాల్సెంటర్ టోల్ ఫ్రీ నంబర్ 1930కు కాల్ చేసి సమాచారం ఇస్తున్నారు. కాల్ సెంటర్కు ఫోన్ చేస్తున్న వారి సంఖ్య రాష్ట్ర వ్యాప్తంగా 700 వరకు చేరుకుంది.
- 24/7 అందుబాటులో సిబ్బంది
- కాల్సెంటర్తో బ్యాంక్ల రిస్క్మేనేజ్మెంట్ టీమ్స్ అనుసంధానం
- సైబర్ నేరాల కట్టడికి కసరత్తు
Cyber Crime | సిటీబ్యూరో, జూన్ 23 (నమస్తే తెలంగాణ): సైబర్ నేరం జరిగిందా.. వెంటనే 1930కు కాల్ చేయండి.. ఈ కాల్ సెంటర్ 24/7 అందుబాటులో ఉంటుందని పోలీసు అధికారులు పేర్కొన్నారు. ప్రతినిత్యం రాష్ట్ర వ్యాప్తంగా వందలాది సైబర్నేరాలు జరుగుతున్నాయి. బాధితులు సైబర్క్రైమ్ కాల్సెంటర్ టోల్ ఫ్రీ నంబర్ 1930కు కాల్ చేసి సమాచారం ఇస్తున్నారు. కాల్ సెంటర్కు ఫోన్ చేస్తున్న వారి సంఖ్య రాష్ట్ర వ్యాప్తంగా 700 వరకు చేరుకుంది. అందులో 250 కాల్స్ వరకు కొత్త ఫిర్యాదులు ఉంటున్నాయని అధికారులు చెబుతున్నారు. మిగతా కాల్స్.. గతంలో ఫిర్యాదు చేసిన వారి నుంచి కేసుల పురోగతి సమాచారం కోసం వస్తున్నాయని తెలిపారు. అంతేకాకుండా.. సైబర్ నేరాలకు సంబంధించి బాధితులు డయల్ 100కు కాల్ చేసినా.. ఆ కాల్ నేరుగా సైబర్ క్రైమ్ కాల్ సెంటర్కు వచ్చే విధంగా టెక్నాలజీని అందుబాటులోకి తెచ్చామని అధికారులు తెలిపారు.
సైబర్ నేరాల అడ్డుకట్టకు..
సైబర్ నేరాలను అడ్డుకోవడంలో భాగంగా కేంద్రం 1930 టోల్ ఫ్రీ నంబర్తో కాల్ సెంటర్ను ఏర్పాటు చేసింది. రాష్ట్రంలో ఈ కాల్ సెంటర్ హైదరాబాద్ బంజారాహిల్స్లోని కమాండ్ అండ్ కంట్రోల్ సెంటర్లో తెలంగాణ స్టేట్ సైబర్ సెక్యూరిటీ బ్యూరో (టీఎస్సీఎస్బీ) ఆధ్వర్యంలో కొనసాగుతున్నది. అత్యాధునిక టెక్నాలజీ కలిగి, 30 మంది సిబ్బందితో 24/7 ఈ కాల్సెంటర్ పనిచేస్తుంది. ఈ సెంటర్కు వచ్చే కాల్స్ను మేనేజ్ చేసేందుకు ఎక్సోటెల్ అనే సాఫ్ట్వేర్ను పోలీసులు ఉపయోగిస్తున్నారు. ఈ సాఫ్ట్వేర్ ద్వారా టోల్ఫ్రీ నంబర్కు వచ్చే కాల్స్ నేరుగా అక్కడ పనిచేసే సిబ్బందికి వెళ్తుంటాయి. ప్రతి రెండు నిమిషాలకు ఒక కాల్ వస్తుంది. కొన్ని సందర్భాల్లో బాధితులు 5 నుంచి 10 నిమిషాలు కూడా మాట్లాడుతుంటారు. ఇలాంటి సమయంలో వచ్చే కొత్త కాల్స్.. సాఫ్ట్వేర్ సహాయంతో ఖాళీగా ఉన్న సిబ్బందికి వెళ్తుంటాయి.
బ్యాంకుల రిస్క్మేనేజ్మెంట్ టీమ్లతో..
ఈ కాల్ సెంటర్కు ఆయా బ్యాంకుల రిస్క్మేనేజ్మెంట్ టీమ్లు అనుసంధానమై ఉంటాయి. ఆయా బ్యాంకులు సైబర్నేరాలకు సంబంధించిన సమాచారాన్ని సేకరించి, తమ వైపు నుంచి తక్షణ చర్యలు తీసుకునేందుకు రిస్క్మేనేజ్మెంట్ టీమ్స్ను అందుబాటులో ఉంచాయి. దీంతో కాల్సెంటర్ నుంచి సమాచారం వెళ్లగానే.. ఆయా బ్యాంక్ రిస్క్ మేనేజ్మెంట్ టీమ్స్ అప్రమత్తమై బ్యాంకు ఖాతాల ఆధారంగా డబ్బు ఎక్కడికి వెళ్లిందనే విషయాన్ని గుర్తించి, ఆ ఖాతాలను ప్రీజ్ చేస్తారు. నేరగాళ్లు ఆ ఖాతాల్లో నుంచి డబ్బు డ్రా చేయకుండా ఉంటే.. అందులో ఉండే నగదు కూడా ప్రీజ్ అవుతుందని పోలీసులు అధికారులు చెబుతున్నారు.
అప్రమత్తంగా ఉండండి.!
సైబర్నేరగాళ్లు ఎదో ఆశ చూపి వల వేస్తుంటారు. అప్రమత్తంగా ఉండాలని పోలీసులు సూచిస్తున్నారు. గుర్తు తెలియని వ్యక్తులు ఎవరైనా ఫోన్లో మాట్లాడి.. ఏదైనా స్కీమ్ గురించి చెబితే వివరాలు తెలుసుకోవడం క్షేమమన్నారు. కనీసం తెలిసిన వ్యక్తులతోనైనా చర్చించాలని సూచిస్తున్నారు. లేని పక్షంలో గూగుల్లో సెర్చ్ చేసి వివరాలు తెలుసుకునే ప్రయత్నం చేయాలని చెబుతున్నారు. సైబర్నేరగాళ్ల చేతిలో పడి మోసపోతే.. వెంటనే సైబర్క్రైమ్ టోల్ప్రీ నంబర్ 1930కు కాల్ చేసి ఫిర్యాదు చేయాలని పోలీసు అధికారులు సూచిస్తున్నారు.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
IndiaNew vs Zealand | తొలి టెస్టులో సత్తా చాటిన భారత బౌలర్లు.. బుమ్రా ఖాతాలో మూడో వికెట్.. కివీస్ 95/5
Dia Mirza | ఆయనతో పనిచేయడం ఓ పీడకల..! దియా మీర్జా సంచలన వ్యాఖ్యలు
Sreeleela | అందుకే టాలీవుడ్కు దూరం..! క్లారిటీ ఇచ్చిన శ్రీలీల
Kamal Haasan| సేయాన్లో విరుమాండి గెటప్.. అతిథి పాత్రలో కనిపించనున్న కమల్హాసన్..!
Jain Diksha | కోట్లాది వ్యాపారాన్ని వదిలి సన్యాసం..! సూరత్లో ఓ కుటుంబం నిర్ణయం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

