ఆదివారం 20 సెప్టెంబర్ 2020
Health - Jul 19, 2020 , 17:12:29

గోరు వెచ్చని నీరు తాగడం వల్ల ప్రయోజనాలివే..

గోరు వెచ్చని నీరు తాగడం వల్ల ప్రయోజనాలివే..

మన శరీరం ఆరోగ్యంగా ఉండాలంటే నిత్యం తగినంత మోతాదులో నీటిని తాగాలన్న విషయం అందరికీ తెలిసిందే. నీటిని తాగడం వల్ల శరీరం డీహైడ్రేషన్‌కు గురి కాకుండా ఉంటుంది. అన్ని అవయవాలకు పోషకాలు సరిగ్గా అందుతాయి. శరీర జీవక్రియలు సక్రమంగా జరుగుతాయి. అయితే సాధారణ నీటికి బదులుగా గోరు వెచ్చని నీటిని తాగితే మనకు ఇంకా అనేక లాభాలు కలుగుతాయి. అవేమిటంటే..

* గోరు వెచ్చని నీటిని తాగడం వల్ల ముక్కు, గొంతులలో ఉండే శ్లేష్మం కరుగుతుంది. శీతాకాలంలో శ్వాసకోశ సమస్యలతో ఇబ్బందులు పడేవారు గోరు వెచ్చని నీటిని తాగితే ఆయా సమస్యల నుంచి ఉపశమనం లభిస్తుంది.

* గోరు వెచ్చని నీటిని తాగడం వల్ల జీర్ణ ప్రక్రియ మెరుగవుతుంది. తిన్న ఆహారం సరిగ్గా జీర్ణమవుతుంది. అజీర్ణంతో ఇబ్బందులు పడేవారు గోరు వెచ్చని నీటిని తాగితే ఆ సమస్య నుంచి బయట పడవచ్చు.

* గోరు వెచ్చని నీటిని తాగితే శరీర మెటబాలిజం పెరిగి ఒంట్లో అధికంగా ఉన్న కొవ్వు కరుగుతుంది. దీంతో అధిక బరువు తగ్గుతారు.

* మలబద్దకం ఉన్నవారు గోరు వెచ్చని నీటిని తాగితే సుఖ విరేచనం అవుతుంది. అలాగే రక్తంలో ఉండే వ్యర్థాలు బయటకు వెళ్లిపోతాయి.


logo