Visit:
Magnesium | మ‌న శ‌రీరం ఆరోగ్యంగా ఉండాలంటే అనేక పోష‌కాలు అవసరం అవుతాయ‌న్న విష‌యం అంద‌రికీ తెలిసిందే. పోష‌కాల్లో అనేక ర‌కాలు ఉంటాయి. వాటిల్లో మెగ్నిషియం కూడా ఒక‌టి. ఇది మిన‌ర‌ల్స్ జాబితాకు చెందుతుంది. వీటినే సూక్ష్మ పోష‌కాలు అని కూడా అంటారు. అంటే మెగ్నిషియం మనకు చాలా స్వ‌ల్ప మోతాదులో అవసరం అవుతుంద‌న్న‌మాట. ఇత‌ర పోష‌కాల్లాగే మెగ్నిషియం కూడా మనకు అనేక విధాలుగా ఉప‌యోగ‌ప‌డుతుంది. మ‌న శ‌రీరంలో అనేక జీవ‌క్రియ‌లు స‌క్ర‌మంగా నిర్వ‌హించ‌బ‌డాలంటే అందుకు మెగ్నిషియం అవసరం అవుతుంది. మెగ్నిషియం ఉన్న ఆహారాల‌ను రోజూ తీసుకుంటే మనకు అనేక లాభాలు క‌లుగుతాయి. వీటిని తినడం వ‌ల్ల ప‌లు వ్యాధుల‌ను సైతం న‌యం చేసుకోవ‌చ్చు. మెగ్నిషియం మనకు అనేక ఆరోగ్య ప్ర‌యోజ‌నాల‌ను అందిస్తుంది.
మెగ్నిషియం వ‌ల్ల మ‌నం తినే ఆహారంలో ఉండే ప్రోటీన్ల‌ను శ‌రీరం స‌రిగ్గా జీర్ణం చేస్తుంది. దీంతో శ‌రీరానికి శ‌క్తి ల‌భిస్తుంది. ముఖ్యంగా కండ‌రాలు, నాడులు ఆరోగ్యంగా ఉంటాయి. ఆయా భాగాలు రిలాక్స్ అవుతాయి. కండ‌రాలు, నాడుల నొప్పుల నుంచి బ‌య‌ట ప‌డ‌వ‌చ్చు. మెగ్నిషియం వ‌ల్ల షుగ‌ర్ లెవ‌ల్స్ నియంత్ర‌ణ‌లో ఉంటాయి. బీపీ త‌గ్గుతుంది. ఎముక‌లు దృఢంగా మారి ఆరోగ్యంగా ఉంటాయి. ఇలా మెగ్నిషియం మనకు అనేక ర‌కాల ప‌నుల‌కు ఉప‌యోగ‌ప‌డుతుంది. అయితే మెగ్నిషియం మనకు వ‌య‌స్సును బ‌ట్టి రోజుకు అవసరం అయ్యే మోతాదు మారుతుంది.
పుట్టిన‌ప్ప‌టి నుంచి 6 నెల‌ల వ‌య‌స్సు ఉన్న చిన్నారుల‌కు నిత్యం 30 మిల్లీగ్రాముల మెగ్నిషియం అవసరం అవుతుంది. అలాగు 7 నుంచి 12 నెల‌ల వ‌య‌స్సు ఉన్న‌వారికి 75 మిల్లీగ్రాములు, 1 నుంచి 3 ఏళ్ల వారికి 80 మిల్లీగ్రాములు, 4 – 8 ఏళ్ల వారికి 130 మిల్లీగ్రాములు, 9 – 13 ఏళ్ల వారికి 240 మిల్లీగ్రాములు, 14 – 18 ఏళ్ల వారికి బాలురు అయితే రోజుకు 410 మిల్లీగ్రాములు, బాలిక‌లు అయితే 360 మిల్లీగ్రాములు, 19 నుంచి 30 ఏళ్ల వారికి బాలుర‌కు 400 మిల్లీగ్రాములు, బాలిక‌ల‌కు 310 మిల్లీగ్రాములు, 31 – 50 ఏళ్ల వారికి పురుషుల‌కు 420 మిల్లీగ్రాములు, స్త్రీల‌కు 320 మిల్లీగ్రాములు, 51 ఏళ్ల‌కు పైబ‌డిన వారికి పురుషుల‌కు 420 మిల్లీగ్రాములు, స్త్రీల‌కు 320 మిల్లీగ్రాములు, గ‌ర్భిణీల‌కు నిత్యం 400 మిల్లీగ్రాములు, పాలిచ్చే త‌ల్లుల‌కు రోజుకు 360 మిల్లీగ్రాముల మెగ్నిషియం అవసరం అవుతుంది.
ఇక మెగ్నిషియం లోపం ఉంటే మ‌న శ‌రీరం ప‌లు ల‌క్ష‌ణాలు, సంకేతాల‌ను తెలియ‌జేస్తుంది. మెగ్నిషియం లోపిస్తే ఆక‌లి బాగా త‌గ్గుతుంది. లేదా ఆక‌లి అస్స‌లే ఉండ‌దు. వికారంగా అనిపిస్తుంది. వాంతులు అవుతాయి. తీవ్ర‌మైన అల‌స‌ట, నీర‌సం ఉంటాయి. చేతులు, కాళ్లు స్ప‌ర్శ లేన‌ట్లు అవుతాయి. చేతులు, కాళ్ల‌లో సూదుల‌తో గుచ్చిన‌ట్లు అవుతుంది. కండ‌రాలు ప‌ట్టేస్తాయి. గుండె అసాధార‌ణ రీతిలో కొట్టుకుంటుంది. రాత్రి పూట నిద్ర‌లో కాలి పిక్క‌లు ప‌ట్టుకుపోతాయి. త‌ర‌చూ కండ‌రాల నొప్పులు వ‌స్తుంటాయి. ఎలాంటి ప‌ని చేయ‌కపోయినా కండ‌రాలు నొప్పిగా ఉంటాయి. ఇవ‌న్నీ మెగ్నిషియం లోపిస్తే మ‌న శ‌రీరంలో క‌నిపించే ల‌క్ష‌ణాలుగా చెప్ప‌వ‌చ్చు.
మెగ్నిషియం మనకు ప‌లు ఆహారాల్లో ల‌భిస్తుంది. మెగ్నిషియం మనకు పాల‌కూర, తోట‌కూర, కొత్తిమీర, పుదీనా, క‌రివేపాకులు, బ‌చ్చ‌లికూర, బాదంప‌ప్పు, వాల్ న‌ట్స్, జీడిపప్పు, పిస్తా, అవిసె గింజ‌లు, గుమ్మ‌డికాయ విత్త‌నాలు, పొద్దు తిరుగుడు విత్త‌నాలు, చియా సీడ్స్‌, అవ‌కాడో, అర‌టి పండ్లు, డార్క్ చాకొలేట్‌, చేప‌లు, చీజ్‌, ప‌ప్పు దినుసులు వంటి అనేక ఆహారాల్లో ల‌భిస్తుంది. ఈ ఆహారాల‌ను రోజూ తింటుంటే మెగ్నిషియం స‌రిగ్గా ల‌భిస్తుంది. దీంతో ఆయా అనారోగ్య స‌మ‌స్య‌లు త‌గ్గుముఖం పడ‌తాయి. దీని వ‌ల్ల ఆరోగ్యంగా ఉంటారు.
