తాజాగా దాచేద్దాం

వర్షాకాలం వచ్చిందంటే కూరగాయలు నిల్వ చేయడం చాలా కష్టం. అందులోనూ ఆకుకూరలైతే త్వరగా పాడైపోతాయి. ఆకుకూరలు పోషకాల పవర్‌హౌస్‌ లాంటివి. తోటకూర, పాలకూర, మెంతి, బచ్చలి, గోంగూర.. వీటిల్లో పొటాషియం, మెగ్నీషియం, సోడియం, క్యాల్షియం, ఐరన్‌, ప్రొటీన్లు, విటమిన్లు అధికంగా ఉంటాయి.

వర్షాకాలం వచ్చిందంటే కూరగాయలు నిల్వ చేయడం చాలా కష్టం. అందులోనూ ఆకుకూరలైతే త్వరగా పాడైపోతాయి. ఆకుకూరలు పోషకాల పవర్‌హౌస్‌ లాంటివి. తోటకూర, పాలకూర, మెంతి, బచ్చలి, గోంగూర.. వీటిల్లో పొటాషియం, మెగ్నీషియం, సోడియం, క్యాల్షియం, ఐరన్‌, ప్రొటీన్లు, విటమిన్లు అధికంగా ఉంటాయి. చాలామంది వారానికి సరిపడా ఆకుకూరలు ఒకేసారి తెచ్చేస్తూ ఉంటారు. ఫ్రిజ్‌లో పెట్టినా ఇవి ఎక్కువ రోజులు తాజాగా ఉండడం కష్టమే. ఈ టిప్స్‌ ఫాలో అయితే, ఆకుకూరలను ఎక్కువ రోజులు స్టోర్‌ చేసుకోవచ్చు. అవేంటో చూద్దాం..

• ఆకుకూరలు త్వరగా పాడవడానికి కారణం అధిక తేమ. వీటిని స్టోర్‌ చేయడానికి, ముందుగా ఆకులు పొడిగా ఉండేలా చూసుకోవాలి. చెడిపోయిన ఆకులను తీసేసి శుభ్రమైన క్లాత్‌లో చుట్టి ఫ్రిజ్‌లో పెట్టాలి. ఇలా చేస్తే.. ఎక్కువ రోజులు నిల్వ ఉంటాయి. టిష్యూలు కూడా వాడుకోవచ్చు. ప్లాస్టిక్‌ డబ్బాలో టిష్యూలను పేర్చి ఆకుకూరలు పెట్టి పైనుంచి మళ్లీ టిష్యూలను పరిచి మూతపెట్టి ఫ్రిజ్‌లో పెట్టడం వల్ల నాలుగు రోజుల వరకు తాజాగా ఉంటాయి.
• చెడిపోయిన ఆకులను తీసేసి వేర్లు, కాడలు కత్తిరించాలి. తరిగిన ఆకుకూరల్ని న్యూస్‌ పేపర్‌లో పెట్టి రోల్‌ చేయాలి. ఈ రోల్‌ను జిప్‌-లాక్‌ బ్యాగ్‌లో పెట్టి ఫ్రిజ్‌లో స్టోర్‌ చేస్తే వారం వరకూ ఫ్రెష్‌గా ఉంటాయి.
• ఆకు కూరలను ఎయిర్‌ టైట్‌ కంటైనర్‌లో మస్లిన్‌ క్లాత్‌ వేసి ఉంచాలి. ఆ తర్వాత వాటిని డబ్బాలో పెట్టాలి. ఇలా చేస్తే ఆకుకూరలు ఎక్కువ రోజులు నిల్వ ఉంటాయి.
• వివిధ రకాల ఆకుకూరలను ఒకేచోట కలిపి ఉంచకూడదు. పాలకూర, మెంతికూర లాంటివి ఇథిలీన్‌ వాయువును విడుదల చేస్తాయి, ఇది ఇతర ఆకుకూరలను త్వరగా చెడగొడుతుంది. అందువల్ల అన్నింటినీ కలిపి కాకుండా వేర్వేరు సంచుల్లో నిల్వ చేయాలి.