Fruit Salad | ఫ్రూట్ స‌లాడ్స్ ఇలా తీసుకుంటే మేలు

ఫ్రూట్ స‌లాడ్స్ (Fruit Salad) ఆరోగ్యానికి మేలు చేస్తాయ‌ని పోష‌కాహార నిపుణులు చెబుతుంటారు. అయితే వివిధ ర‌కాల పండ్ల‌ను మిక్స్ చేసే క్ర‌మంలో ఆరోగ్య‌క‌ర విధానాల‌ను పాటిస్తేనే వాటి ప్ర‌యోజ‌నం చేకూరుతుంద‌ని గ‌ట్ హెల్త్ కోచ్ డింపుల్ జంగ్ద ఇన్‌స్టాగ్రాం పోస్ట్‌లో వివ‌రించారు.

ఫ్రూట్ స‌లాడ్స్ (Fruit Salad) ఆరోగ్యానికి మేలు చేస్తాయ‌ని పోష‌కాహార నిపుణులు చెబుతుంటారు. అయితే వివిధ ర‌కాల పండ్ల‌ను మిక్స్ చేసే క్ర‌మంలో ఆరోగ్య‌క‌ర విధానాల‌ను పాటిస్తేనే వాటి ప్ర‌యోజ‌నం చేకూరుతుంద‌ని గ‌ట్ హెల్త్ కోచ్ డింపుల్ జంగ్ద ఇన్‌స్టాగ్రాం పోస్ట్‌లో వివ‌రించారు. ప్రొటీన్స్‌, కార్బోహైడ్రేట్లు, కూర‌గాయ‌లు మ‌న ఆరోగ్యానికి ఎలాంటి మేలు చేస్తాయో వివిధ ర‌కాల పండ్లు కూడా మ‌న శ‌రీరానికి వివిధ ప‌ద్ధ‌తుల్లో ప్ర‌యోజ‌నం చేకూర్చుతాయ‌ని చెబుతున్నారు.

పండ్లు ఆరోగ్యానికి మేలు చేసినా అన్ని ర‌కాల పండ్ల‌ను మిక్స్ చేసి తీసుకోవ‌డం ఏమంత ఆరోగ్య‌క‌రం కాద‌ని డింపుల్ చెబుతున్నారు. పండ్ల ప్ర‌యోజ‌నాల‌ను పూర్తిగా పొందాలంటే పుల్ల‌ని పండ్లు, ఆస్ట్రింజెంట్ ఫ్రూట్స్‌, తీయ‌ని పండ్ల‌ను వేర్వేరుగా తీసుకోవాల‌ని సూచిస్తున్నారు. ఇంకా సుల‌భంగా చెప్పుకోవాలంటే ఒక‌సారి ఒక పండునే తినాల‌ని అప్పుడు శ‌రీరం ప్ర‌తి పండులో ఉన్న నిర్ధిష్ట పోష‌కాల‌ను గ్ర‌హిస్తుంద‌ని, స‌మ‌తులాహారం ల‌భించిన‌ట్టవుతుంద‌ని పేర్కొన్నారు.

ఆస్ట్రింజెంట్ పండ్ల‌ను చెప్పుకోవాలంటే యాపిల్‌, దానిమ్మ‌, జామ‌, బ్లాక్‌బెర్రీ, రాస్‌బెర్రీ వంటి పండ్ల‌ను చెప్పుకోవ‌చ్చు. ఇక ఒక క్యాట‌గిరీ పండ్ల‌ను మ‌రో క్యాట‌గిరీ పండ్ల‌తో మిక్స్ చేయ‌డం మంచిది కాదు. పండ్ల‌లో ఉండే పోష‌కాలు, యాంటీఆక్సిడెంట్లు, ఫైబ‌ర్‌ను పూర్తిస్ధాయిలో పొందాలంటే పుల్ల‌టి పండ్లు, ఆస్ట్రింజెంట్ పండ్లు, తీయ‌టి పండ్ల‌ను వేర్వేరుగా తీసుకోవాలి. పలు ర‌కాల పండ్ల‌ను కొద్దిపాటి విరామంతో తీసుకున్న మేలైన ఫ‌లితాలు చేకూర‌తాయ‌ని డింపుల్ చెబుతున్నారు.

Read More :

Alia Bhatt | డబ్బు కోసం నటించాలంటే భయం వేస్తుంది.. బాలీవుడ్‌ బ్యూటీ ఆలియా భట్‌