పొట్ట కుడివైపు నొప్పికి కారణం?

నా వయసు యాభై రెండు. పొత్తిపొట్ట కుడివైపు చేయి తగిలితే చాలు.. నొప్పిగా ఉంటుంది. కొన్నిసార్లు సాధారణంగా కూడా ఇబ్బందిగా అనిపిస్తుంది. ఆ ప్రాంతమంతా గట్టిపడినట్టు ఉంటుంది. నాకు మెనోపాజ్‌ వచ్చి అయిదేండ్లు దాటింది. బీపీ, షుగర్‌ లాంటివి లేవు. ఆ నొప్పికి కారణం ఏమిటి? ఏవైనా టెస్టులు చేయించుకోవాలా?

నా వయసు యాభై రెండు. పొత్తిపొట్ట కుడివైపు చేయి తగిలితే చాలు.. నొప్పిగా ఉంటుంది. కొన్నిసార్లు సాధారణంగా కూడా ఇబ్బందిగా అనిపిస్తుంది. ఆ ప్రాంతమంతా గట్టిపడినట్టు ఉంటుంది. నాకు మెనోపాజ్‌ వచ్చి అయిదేండ్లు దాటింది. బీపీ, షుగర్‌ లాంటివి లేవు. ఆ నొప్పికి కారణం ఏమిటి? ఏవైనా టెస్టులు చేయించుకోవాలా?
– ఓ సోదరి

ఇక్కడ కొంత స్పష్టత అవసరం. ఆకలి ఎలా ఉంది? సాధారణంగానే ఉందా, పూర్తిగా మందగించిందా? రెండో విషయం, బరువు ఏమైనా తగ్గిపోయారా? ఈ రెండు లక్షణాలు కనుక ఉంటే, వెంటనే డాక్టర్‌ను సంప్రదించండి. ముట్లు ఆగిపోయి అయిదేండ్లు దాటింది కాబట్టి, ఒవేరియన్‌ మాస్‌ (అండాశయ కణుతుల్లాంటివి) ఏమైనా ఉందా అనేది పరీక్షించాలి. అందుకు, అల్ట్రాసౌండ్‌ స్కాన్‌ చేయించుకోవాలి. ఫలితాల్లో తేడా కనిపిస్తే కొన్ని రక్తపరీక్షలు రాస్తారు. అవీ చేయించుకోండి. ఈ సమయంలో కణుతులు ఏర్పడే అవకాశం ఉంది. ఒక వేళ కణితి ఉంటే, అది ఏ రకమన్నది రక్త పరీక్షలో తేలుతుంది. దాదాపు 75 శాతం కణుతులు క్యాన్సర్‌కు సంబంధించినవి కాకపోవచ్చు. మిగతా 25 శాతమే ప్రమాదకరం. వెంటనే మంచి గైనకాలజిస్టును సంప్రదిం చండి. ఏం భయం లేదు. (వైద్య నిపుణుల సలహా కోసం మహిళా పాఠకులు తమ సమస్యల్ని zindagi@ntnews.com కు మెయిల్‌ చేయవచ్చు)

– డాక్టర్‌ పి. బాలాంబ సీనియర్‌ గైనకాలజిస్ట్‌